កណ្តាល ៖ រថយន្តតាក់ស៊ីមួយគ្រឿងបានបុករបាំងថ្មពុះចែកទ្រូងផ្លូវក្រទ្បាប់បណ្ដាលឲ្យឆាបឆេះមានជាប់មនុស្សចំនួន០២នាក់ជា (ភ្ញៀវ) ក្នុងរថយន្តដែលកំពុងឆេះយ៉ាងសន្ធោរសន្ធៅ ដែលមានទីតាំងស្ថិតនៅលេីផ្លូវជាតិលេខ២១A ក្រុងតាខ្មៅ ខេត្តកណ្ដាល វេលាម៉ោង ០៣:១២ នាទីទៀបភ្លឺ ឈានចូលថ្ងៃទី៤ ខែមករា ឆ្នាំ២០២៥នេះ។
កាលពីម៉ោង៣ទាបភ្លឺ ថ្ងៃទី៤ ខែមករា ឆ្នាំ២០២៥នៅចំណុចមុខច្រកចូល បុរីសិរីមង្គល ស្ថិតក្នុងភូមិកោះគរ សង្កាត់រកាខ្ពស់ ក្រុងតាខ្មៅ ខេត្តកណ្តាល រថយន្តTOYOTA PRUIS ពណ៍ខៀវ ពាក់ផ្លាកលេខ 2BD-1735 បានបើកបុករបាំងពុះចែកទ្រូងផ្លូវ បណ្តា.លអោយក្រឡាប់ឆាបឆេះ បុរសម្នាក់ក្នុងចំណោម៣នាក់ ក្នុងរថយន្តត្រូវបានទាញចេញមកសង្គ្រោះ ចំណែក០២នាក់ទៀតត្រូវជាប់គាំងក្នុងរថយន្ត ដោយអណ្តាតភ្លើងឆាបឆេះខ្លាំងមិនអាចជួយសង្គ្រោះទាន់ ៕ រក្សាសិទ្ធដោយ៖សុទ្ធលី
