ឃាត់ខ្លួនជនសង្ស័យ ០២នាក់ ពាក់ព័ទ្ធករណីប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន

ពោធិ៍សាត់ ៖ ថ្ងៃទី១៧ ខែមករា ឆ្នាំ២០២៥ វេលាម៉ោង១២ និង១០នាទី កម្លាំងជំនាញប្រឆាំងគ្រឿងញៀន នៃអធិដ្ឋាននគរបាលស្រុកបាកាន បានសហការណ៍ជាមួយកម្លាំងប៉ុស្តិ៍នគរបាលរដ្ឋបាលស្នាមព្រះ ដឹកនាំដោយលោកវរសេនីយ៍ទោ សុង គឹមសែ អធិការរង និងមានការសម្របសម្រួលនីតិវិធី ពីឯកឧត្តម កូយ កាន់យ៉ា ព្រះរាជអាជ្ញា អមសាលាបូងខេត្តពោធិ៍សាត់ បានចុះបង្ក្រាបករណីប្រើប្រាស់ រក្សាទុក និងជួញដូរដោយខុសច្បាប់នូវសារធាតុញៀន នៅចំណុចលើផ្លូវជាតិលេខ៥៥ ខាងត្បូងវត្តពោធិ៍មានបុណ្យ ស្ថិតនៅភូមិដង្កៀបក្តាម ឃុំស្នាមព្រះ ស្រុកបាកាន ជាលទ្ធផលបានឃាត់ខ្លួនជនសង្ស័យចំនួន០១នាក់ ឈ្មោះ យឿន យ៉ុង ភេទប្រុស អាយុ២០ឆ្នាំ រស់នៅភូមិកោះ សង្កាត់លលកស ក្រុងពោធិ៍សាត់ ដកហូតវត្ថុតាងរួមមាន ១-ម្សៅក្រាមពណ៌សថ្លាសង្ស័យជាសារធាតុញៀនចំនួន ០២កញ្ចប់ ទម្ងន់ ២.៩៤ក្រាមថ្លឹងសាច់ថ្នាំសុទ្ធ ២-អំពូលសម្រាប់ប្រើប្រាស់គ្រឿងញៀនចំនួន០១ ៣-ដែកកេះ០២ ៤-បារី ០១កញ្ចប់ ៥-កាបូបស្ពាយពីក្រោយ០១ ៦-ម៉ូតូ០១គ្រឿង ធន់ ហុងដាសេ១២៥ ពណ៌ខ្មៅ ផ្លាកលេខ ពោធិ៍សាត់1O- 9535 ។ ឆ្លងតាមការសួរចម្លើយជនសង្ស័យបានសារភាពថា គ្រឿងញៀនដែលខ្លួនមាននេះគឺយកមកពីឈ្មោះ ជា ចំរើន ហៅម៉ាប់ ភេទប្រុស រស់នៅភូមិកោះ សង្កាត់លលកស ក្រុងពោធិ៍សាត់ ។ លុះដល់វេលាម៉ោង ១៤ និង១០នាទី កម្លាំងយើងបានចុះទៅដល់ផ្ទះរបស់ឈ្មោះ ជា ចំរើន ហៅម៉ាប់ ភេទប្រុស អាយុ២៥ឆ្នាំ ស្ថិតនៅភូមិកោះ សង្កាត់លលកស ក្រុងពោធិ៍សាត់ សមត្ថកិច្ចយើង បានធ្វើការឃាត់ខ្លួនជនសង្ស័យឈ្មោះ ជា ចំរើន និងដកហូតវត្ថុតាងរួមមាន ១-ម្សៅក្រាមពណ៌សថ្លាសង្ស័យជាសារធាតុញៀនចំនួន០២កញ្ចប់ ទម្ងន់៨.១៤ក្រាម ថ្លឹងសាច់ថ្នាំសុទ្ធ ២-ជញ្ជីងចំនួន០១ ៣-ទុយោសម្រាប់ចូកចំនួន០៣ (ដែក០១) ៤-អំពូលសម្រាប់ប្រើប្រាស់គ្រឿងញៀន០២ ៥-កូនថង់រំលែកថ្នាំមួយចំនួន ៦-ប្រដាប់ជក់០១កំប្លេ ៧-ដែកកេះចំនួន០៣ ៨-ទូរស័ព្ទចំនួន ០៦គ្រឿង ៩-ដាវកែច្នៃ០១ដើម។

បច្ចុប្បន្នជនសង្ស័យទាំង ០២នាក់រួមទាំងវត្ថុតាងបានបញ្ជូនទៅកាន់អធិការដ្ឋាននគរបាលស្រុកបាកាន ដើម្បីកសាងសំណុំរឿងតាមនីតិវិធីច្បាប់ ៕ រក្សាសិទ្ធដោយ៖សុទ្ធលី