Wednesday, February 12, 2025

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ដំណាំស្រូវប្រាំង១ម៉ឺន​ហិកតា​ខ្វះទឹកត្រូវបានអាជ្ញាធរកំពង់ចាម-ព្រៃវែងរួមគ្នាជួយសង្គ្រោះ

ខេរ្តកំពង់ចាម​:​ ក្រោមការយកចិត្តទុកដាក់ពីសំណាក់របស់​អាជ្ញាធរ​ខេត្ត​ពព្រៃវែងនារសៀលថ្ងៃទី​២២​ ខែមករា​​ ឆ្នាំ​២០២៥​នេះ​ ឯកឧត្តម​ អ៊ុន​ ចាន់ដា​ អភិបាលខេត្តកំពង់ចាម បាន​អញ្ជើញ​ចុះ​ពិនិត្យ​ប្រព័ន្ធ​ធារាសាស្ត្រ​ស្រោចស្រព​ វ៉ៃកូ​ ជំហាន​១​ ស្ថិតក្នុង​ឃុំមហាលាភ ស្រុកកោះសូទិន ដើម្បី​បូម​ទឹក​ជជួយសង្គ្រោះស្រូវប្រាំងជាង១ម៉ឺន​ហិកតា របស់​ប្រជាកសិករ​ ចំនួន​ ១៣ឃុំ​ ក្នុង​ស្រុក​ចំនួន​ ៣ នៃ​ខេត្តព្រៃវែង​ ដែលប្រឈមនឹងការខ្វះទឹក​ ។ ក្រោមការយកចិត្តទុកដាក់របស់អាជ្ញាធរខេត្តទាំងពីរបានបង្ហូរទឹកទន្លេទៅ ដើម្បីស្រោចស្របដំណាំស្រូវជៀសវាងកុំឲ្យស្កក។

លោកយី វណ្ណៈ អភិបាលស្រុកកោះសូទិនបានលើកឡើងថា: ចំពោះដំណាំស្រូវក្នុងស្រុកកោះសូទិនមានប្រមាណ១០០ ហិចតា គឺមិនទាន់មានបញ្ហាចោទនៅឡើយទេ។សំខាន់ប្រភពទឹកពីវ៉ៃកូនេះគឺស្រោចស្រពដំណាំស្រូវក្នុងខេត្តព្រៃវែងដែលកំពុងជួបកង្វះខាតរហូតដល់ជាង១ម៉ឺនហិតាឯណោះ។ ជាក់ស្ដែងអភិបាលខេត្តកំពង់ចាមនិងព្រៃវែងរួមសហការគ្នាដើម្បីធ្វើការដោះស្រាយបន្ទាន់ជូនដល់ប្រជាកសិករ។

សូមបញ្ជាក់ថា ឯកឧត្តម​ អ៊ុន​ ចាន់ដា​ អភិបាល​ខេត្តកំពង់ចាម​ រួមនឹងឯកឧត្តម​ ​សួន សុម៉ាលីន អភិបាលខេត្ត​ព្រៃវែង​ និង​ឯកឧត្ដម​ ស្បោង​ សារ៉ាត់​ ប្រធាន​ក្រុម​ប្រឹក្សា​ខេត្តព្រៃវែង​ អញ្ជើញ​ចុះ​ពិនិត្យ​លិទ្ធភាព​បូម​ទឹក​ជួយ​សង្គ្រោះ​ស្រូវ​ ដែលកំពុងជួបកង្វះខាតទឹកសម្រាប់ស្រោចស្រព។ ព្រោះថាដំណាំស្រូវទាំងនោះកំពុងតែបង្កើតផលផ្លែសម្រាប់បងប្អូនប្រជាកសិករទ្រទ្រង់ជីវភាពគ្រួសារនីមួយៗ។

លោក អ៊ុម វិបុល ប្រធានមន្ទីរធនធានទឹក និងឧតុនិយមខេត្តកំពង់ចាម​ បានឱ្យដឹងថា​ គម្រោង​អភិវឌ្ឍន៍​ប្រព័ន្ធ​ស្រោចស្រព​ វ៉ៃកូ​ ជំហាន​១​ មាន​ម៉ូទ័រ​អគ្គិសនី​ខ្នាត​ធំ​ ចំនួន​៩គ្រឿង​ ដោយ​ក្នុង​ ​១គ្រឿង​មាន​លទ្ធភាព​បញ្ជូន​ទឹក​បាន​ចំនួន​ ១៤០០០ម៉ែត្រគូប​ ក្នុង​ ​១ម៉ោង​ និង​ប្រេីប្រាស់​ថាមពល​អគ្គិសនី​អស់​ចំនួន​ ៤៦០​គីឡូវ៉ាត់​ ក្នុង​ ​១ម៉ោង​ ចំពោះ​កម្លាំង​​​បញ្ជូន​ទឹក​វិញ​ គឺ​មាន​ចម្ងាយ​ជាង​ ​១០០គីឡូម៉ែត្រ​ឯណោះ​ ។

លោក​ប្រធាន​មន្ទីរ​ធនធាន​ទឹក​ បាន​បន្ត​ថា​ ប្រព័ន្ធ​ធារាសាស្ត្រ​​ស្រោចស្រព​វ៉ៃកូ​ជំហាន១ នេះ​ មានតួនាទីនាំប្រភពទឹក ពីទន្លេមេគង្គ ភ្ជាប់ដោយផ្នែកខាងលើនៃទន្លេតូច និងព្រែកជីកថ្មី ធ្វើជាប្រភពទឹកស្រោចស្រព លើផ្ទៃដីកសិកម្មក្នុង​ខេត្ត​កំពង់ចាម​ ជាពិសេស​បំផុត​នោះ​ គឺ​ខេត្តព្រៃវែង និង​ខេត្ត​ស្វាយរៀង ដែល​តែងតែ​ប្រឈម​នឹង​ការ​ខ្វះខាត​ទឹក​ សម្រាប់​ប្រជាកសិករ​យើង​ធ្វើ​ស្រែ​នៅ​រដូវ​ប្រាំង​ ក៏ដូចជា​ការ​​បង្កបង្កេីនផល​ដំណាំ​ផ្សេងៗ​ ផផងដែ។ សួររំលឹកថាប្រព័ន្ធធារាសាស្ត្រដ៏មានសារៈសំខាន់នេះក្រោមការជួយជ្រោមជ្រែងពីរដ្ឋាភិបាលសាធារណរដ្ឋប្រជាមានិតចិន ជូនដល់ប្រទេសកម្ពុជា អត្ថប្រយោជន៍សម្រាប់ស្រោចស្របដំណាំស្រូវក្នុងខេត្តត្បូងឃ្មុំព្រៃវែងនិងស្វាយរៀង៕ រក្សាសិទ្ធដោយ៖ភ្នំប្រុសភ្នំស្រី