ក្នុងថ្ងៃចុងក្រោយនៃឆ្នាំ ដោយមានចិត្តគំនិតក្នុងឆ្នាំថ្មី ត្រូវធ្វើឲ្យរូបរាងស្រស់ស្អាត និងក្មេងជាងវ័យ ខណៈទៅលេងជីដូនជីតា ជួបមិត្តភ័ក្តិ ញាតិមិត្តជាដើម នោះតម្រូវការធ្វើសក់ ម៉ាស្សាមុខ លាបមុខ ជាដើម សម្រាប់ស្រ្តីនឹង កើនឡើងខុសពីថ្ងៃធធម្មតា មិនថានៅទីក្រុង និងជនបទនោះទេ។
តែអ្វីដែលមិននឹកស្មានដល់នោះ កាលពីពេលថ្មីៗនេះ រូបភាពដែលបានចែករំលែកនៅក្នុងហាងអ៊ុតសក់មួយក្នុងទីក្រុង Dien Bien (វៀតណាម) បានធ្វើឱ្យអ្នកនិយមលេងអ៊ីនធឺណេតភ្ញាក់ផ្អើលយ៉ាងខ្លាំង ខណៈបានឃើញចំនួនអតិថិជនមកប្រើប្រាស់សេវាកម្ម ដែលមិនត្រឹមតែកៅអីអ៊ុតសក់ពេញទេ គឺសូម្បីហាងអ៊ុតសក់ក៏ត្រូវបន្ថែមកៅអីជាបន្តបន្ទាប់ និងបង្កើនចំនួនបុគ្គលិកដើម្បីបម្រើសេវាផងដែរ។
តាមរយៈរូបភាព បានបង្ហាញបុគ្គលិកស្រី ៣នាក់ កំពុងមមាញឹកលាបថ្នាំគីមីលើសក់អតិថិជន ខណៈស្ត្រីរាប់សិបនាក់ទៀត ដែលបានព្យាបាលដោយសារធាតុគីមី កំពុងអង្គុយរង់ចាំ។ មិនបាច់និយាយទេ នៅជួរខាងក្រៅ ជាងកាត់សក់ក៏រវល់កាត់ម៉ូដសក់អតិថិជនដែរ។
វីដេអូឃ្លីបនេះ បន្ទាប់ពីត្រូវបានចែករំលែកនៅលើបណ្តាញសង្គម ទទួលបានការចូលមើលជាង ២.៤ លានដង។ ក្នុងនោះ គេបានឃើញភាគច្រើនជាជាងសាឡន បានមកខំមិនស្ងើចសរសើរចំពោះពីអតិថិជនទាំងនោះ ដែលមានការតស៊ូមិនធម្មតាទេ ព្រោះតែចង់ស្អាត មិនខ្លាចកើតមានបញ្ហានោះទេ។
ជាក់ស្តែង មនុស្សជាច្រើនបានសម្តែងការព្រួយបារម្ភ ថាតើមានអតិថិជនច្រើនយ៉ាងនេះ បុគ្គលិកអាចចាំបានដែរទេថា អតិថិជនណាខ្លះបានព្យាបាលដោយសារធាតុគីមី និងមួយណាមិនមាន ដោយបាននិយាយថា «លាបថ្នាំបែបនេះនឹងដឹងថាសក់មួយណាត្រូវលាង មួយណាអ៊ុតត្រង់ មួយណាលាបពណ៌ទេ? ខ្ញុំក៏ជាជាងអ៊ុតសក់ដែរ តែពេលធ្វើគីមី ខ្ញុំត្រូវប្រយ័ត្នពេលវេលា ខ្ញុំមិនហ៊ានយកអតិថិជនច្រើនក្នុងពេលតែមួយ ព្រោះខ្លាចខូចសក់គេ មិនមែនជារឿងលេងសើចទេ»៕
