ខេត្តបន្ទាយមានជ័យ ៖ កម្លាំងនគរបាល ចុះត្រួតពិនិត្យបទល្មើសគ្រឿងញៀន នៅតាមក្លឹបកម្សាន្ត នៃក្រុងសិរីសោភ័ណ និងក្រុងប៉ោយប៉ែត ខេត្តបន្ទាយមានជ័យ នាយប់រំលងអធ្រាត្រឈានចូល ថ្ងៃទី៣០ ខែសីហា ឆ្នាំ២០១៨នេះ ម៉ោង១២យប់ ដល់ម៉ោង៤ទៀបភ្លឺ ថ្ងៃទី៣០ ខែសីហា កម្លាំងជំនាញ បានត្រួតពិនិត្យក្លឹបកម្សាន្តឌីស្កូ ខារ៉ាអូខេ ចំនួន៣កន្លែង រួមមាន៖ ក្លឹបហ្គោលថោន និងក្លឹបថាច់ ដោន និងក្លឹបឡាហ្វីរ៉ា។
ក្នុងនោះសមត្ថកិច្ច រកឃើញវត្ថុតាងជាឧបករណ៍ប្រើប្រាស់គ្រឿងញៀន នៅក្នុងក្លឹបថាច់ដោន និងក្លឹបឡាហ្វ៊ីរ៉ា នៃក្រុងប៉ោយប៉ែត។
ស្នងការនគរបាលខេត្តបន្ទាយមានជ័យ បានឱ្យដឹងថា លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងលោកមាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ បានដឹកនាំកម្លាំងនគរបាលប្រតិបត្តិការ ចុះត្រួតពិនិត្យបទល្មើសគ្រឿងញៀន ចាប់ពីវេលាម៉ោង១២យប់អធ្រាត្រថ្ងៃទី២៩រហូតដល់ម៉ោង៤ទៀបភ្លឺថ្ងៃទី៣០ សីហា នៅចំណុចក្លឹបកំរាំឌីស្កូ ខារ៉ាអូរខេ នៅក្រុងសិរីសោភ័ណ និងនៅក្រុងប៉ោយប៉ែត ចំនួន៣ទីតាំង ក្លឹបហ្គោលថោន និងក្លឹបថាច់ ដោន ក្លឹបឡាហ្វ៊ីរ៉ា ដែលជនជាតិចិនជួលសមត្ថកិច្ចរកឃើញត្ថុតាងឧបករណ៍ប្រើប្រាស់គ្រឿងញៀន នៅក្នុងក្លឹបថាច់ដោននិងក្លឹបឡាហ្វ៊ីរ៉ា ក្រុងប៉ោយប៉ែត មានការសង្ស័យទីតាំងនេះអាចមានការប្រើប្រាស់គ្រឿងញៀន សមត្ថកិច្ចឃាត់ខ្លួនជនសង្ស័យមូយចំនួនជនជាតិចិននិងខ្មែរយកទៅសាកសួរធ្វើតេស្ថ៍ទឹកនោមផងដែរ។
សមត្ថកិច្ចបានឃាត់ខ្លួនជនសង្ស័យ ជាជនជាតិខ្មែរ និងជនជាតិចិន មួយចំនួនមកធ្វើតេស្ត ទឹកនោមរកសារធាតុញៀន៕ ដោយ៖បញ្ញាស័ក្តិ