កាលពីពេលថ្មីៗនេះ មានរឿងមួយបានធ្វើឲ្យមានការចាប់អារម្មណ៍យ៉ាងខ្លាំង ខណៈម្តាយម្នាក់នៅប្រទេសចិន បានចែករំលែកវីដេអូឃ្លីបបង្ហាញកូនស្រីរបស់ខ្លួន ដែលទើបតែរៀនថ្នាក់បឋមសិក្សា បានយំ និងត្អូញត្អែរថា «ច្បាស់ណាស់ថា ខ្ញុំឆ្លើយសំនួរនេះត្រឹមត្រូវ ប៉ុន្តែហេតុអ្វីគ្រូមិនអោយពិន្ទុ? ហេតុអ្វីខ្ញុំត្រូវដកពិន្ទុ?»។
ម្តាយរបស់ក្មេងស្រីបានបង្ហាញចំណោទគណិតវិទ្យាដែលគ្រូដាក់ឲ្យសិស្សធ្វើរួច។ សំណួរ៖ តើកង្កែប ២ និងកង្កែប ៤ មានជើងប៉ុន្មាន? ជាការពិតណាស់ ចម្លើយគឺសាមញ្ញណាស់ ដែលមនុស្សពេញវ័យ ចំណាយពេលមិនដល់ ១០ វិនាទី ដើម្បីឆ្លើយ។ ដោយសារកង្កែបនីមួយៗមានជើង ៤ នោះមានន័យថា កង្កែប ២ នឹងមានជើង ៨ ហើយកង្កែប ៤ នឹងមានជើង ១៦ ។
ប៉ុន្តែកូនស្រីសាលាបឋមសិក្សារបស់គាត់ មិនយល់ស្របនឹងលទ្ធផលនេះទេ ដោយបានប្រកែកជាមួយទឡ្ហីករណ៍ដែលសូម្បីតែមនុស្សពេញវ័យក៏មិនអាចប្រកែកបានដែរ៖ “កង្កែបពិតមានជើងបួន ប៉ុន្តែរូបភាពនៅក្នុងសំណួរបង្ហាញយ៉ាងច្បាស់ថាមានតែជើងពីរប៉ុណ្ណោះ!”
តាមពិត តាមការយល់ឃើញរបស់ក្មេងស្រីប្រហែលជាត្រូវពេលនេះ។ រូបភាពបង្ហាញថាកង្កែបមានជើងតែពីរប៉ុណ្ណោះ ហើយពីរទៀតជាដៃដែលមិនប្រើសម្រាប់ដើរទេ។ ក្នុងករណីនេះ ម្ដាយមិនដឹងថាត្រូវធ្វើយ៉ាងណាក្រៅតែពីលួងលោមនាង។ កូនស្រីនៅតែខឹង ហើយនិយាយថា “ខ្ញុំអាចទទួលបានពិន្ទុល្អឥតខ្ចោះ 100 ប៉ុន្តែដោយសារតែសំណួរខុសលើការប្រលង ខ្ញុំបាត់បង់ពិន្ទុដោយអយុត្តិធម៌!”។
បន្ទាប់ពីវីដេអូឃ្លីបនេះ ត្រូវបានចែកចាយពេញបណ្តាញអ៊ីនធឺណេត ទទួលបានការចាប់អារម្មណ៍យ៉ាងខ្លាំងពីសំណាក់អ្នកនិយមលេងអ៊ីនធឺណែត។ គ្រប់គ្នាបានយល់ស្របនឹងការលើកឡើងរបស់ក្មេងម្នាក់នេះថាសមហេតុផល។ អ្នកខ្លះក៏បានចង្អុលបង្ហាញថា សំណួរ និងរូបភាពរបស់គ្រូមានភាពមិនច្បាស់លាស់ ហើយការអោយពិន្ទុគឺតឹងរ៉ឹងពេក ដែលអាចធ្វើឱ្យមានកម្រិតការស្រមើលស្រមៃ និងការគិតរបស់កុមារ ដោយសារក្មេងស្រីនៅក្នុងឃ្លីបនេះ ទើបតែរៀនថ្នាក់ទី១ប៉ុណ្ណោះ៕
