នារីមានរូបឆោមដ៏ស្រស់សោភាម្នាក់ នៅក្នុងប្រទេសថៃ ត្រូវបានគេចាត់ទុកថាជាមនុស្សស្រីដ៏កម្ររកបានម្នាក់ ព្រោះថានាងនៅតែបង្ហាញបេះដូងដ៏ស្មោះស និងក្តីស្រលាញ់គ្មានពីរ ចំពោះមិត្តប្រុសរបស់នាង បើទោះបីគាត់ធ្លាក់ខ្លួនឈឺនៅក្នុងជំងឺមហារីកមុខដ៏កាចសាហាវមួយនេះយ៉ាងណាក៏ដោយ និងថែមទាំងបានសច្ចាថានឹងបន្តដំណើរមួយនេះជាមួយគាត់ រហូតដល់ដំណាក់កាលលាគ្នាចុងក្រោយ ។
នាង Atittaya Chumkeaw ត្រូវបានដឹងថា បានកំពុងមើលថែយ៉ាងយកចិត្តទុកដាក់បំផុត ចំពោះមិត្តប្រុសរបស់នាងឈ្មោះ Pooh Chokchai Kaew ដែលបានរងទទួលនូវជំងឺមហារីកភ្នែកដំណាក់កាលចុងក្រោយ ដែលបង្កឲ្យដុំសាច់រីករាលដាលពាសពេញផ្ទៃមុខរបស់គាត់យ៉ាងសាហាវមើលលែងស្គាល់តែម្តង ។
គេបានដឹងឃើញថា ប្អូនប្រុស Kaew បានរងទទួលជំងឺម្យ៉ាងមានឈ្មោះថា retinoblastoma (ដុំនៅរ៉េទីន), ជាប្រភេទមហារីកដ៏កម្រមួយ ដែលចាប់ផ្តើមពីរេទីន ដែលជាផ្នែកមួយនៃភ្នែកទទួលរ៉ាប់រងសម្រាប់រាវរកពន្លឺ ។
យោងតាមគ្រួសាររបស់គាត់, នោះលក្ខខណ្ឌរបស់ Kaew ពុំមានជម្រើសព្យាបាលផ្សេងទៀតនោះទេ ព្រោះវាជាជំងឺដ៏កម្រ បើទោះជាបុរសអាយុ ២១ ឆ្នាំ ដ៏អភ័ព្វរូបនេះ នៅតែមាន «ក្តីសង្ឃឹមសម្រាប់ទៅលើអព្ភូតហេតុមួយ ហើយថា ដុំសាច់នោះនឹងរលាយបាត់» ។
ពិតណាស់ នៅពេលនេះ Kaew បានលាចាកលោកហើយ កាលពីថ្ងៃទី៣០ ខែសីហា ឆ្នាំ២០១៨ បន្ទាប់ពីពុំអាចតស៊ូប្រយុទ្ធប្រឆាំងនឹងស្ថានភាពជំងឺដ៏រ៉ាំរ៉ៃនេះតទៅទៀត អស់រយៈពេលជាច្រើនខែកន្លងមកនេះ ៕ ចន្ទី
ទស្សនារូបភាពជាច្រើនទៀត => Atittaya Chumkeaw
