អ្នកនិយមលេងអ៊ីនធឺណិត នៅក្នុងប្រទេសចិន នាំគ្នាភ្ញាក់ផ្អើលយ៉ាងខ្លាំង បន្ទាប់ពីបានឃើញប្តីប្រពន្ធមួយគូដែលមានរហស្សនាមថា “Beauty and the Beast” បានបង្ហោះរូបកាលពី៥ឆ្នាំមុន និងឥឡូវ គ្មានអ្នកណាជឿថាប្តីជាមនុស្សតែមួយទេ!?
រឿងនេះបានចាប់ផ្តើមរីករាលដាលនៅលើវេទិកា Douyin (TikTok របស់ប្រទេសចិន) គឺនៅពេលដែលប្តីប្រពន្ធមួយគូ ដែលត្រូវបានគេប្រៀបធៀបទៅនឹង “Beauty and the Beast” ដោយសារតែរូបរាងផ្ទុយគ្នារបស់ពួកគេ ស្រាប់តែបង្ហោះរូបថតរបស់ពួកគេទាំងពីរ កាលពី៥មុន ធ្វើឱ្យអ្នកនិយមលេងអ៊ីនធឺណិតមានការភ្ញាក់ផ្អើល និងស្ទើរតែមិនគួរឲ្យជឿ។
ពិតណាស់ រូបថតពីមុនៗដែលបង្ហោះមក គឺប្រពន្ធនៅតែមើលទៅក្មេង និងស្អាតដូចមុន ប៉ុន្តែបុរសជាប្តីដែលធ្លាប់ជាបុរសសង្ហារ និងរាងតូចច្រឡឹងនោះ បែរជាប្រែមកជាមនុស្សខុសគ្នាទាំងស្រុង ហើយមើលទៅចាស់ដូចអាយុខុសគ្នា!!! នេះបានធ្វើឲ្យអ្នកលេងអ៊ីនធឺណិតមួយចំនួនបញ្ចេញមតិយ៉ាងដូច្នេះថា «កំណែជីវិតពិតនៃ Beauty and the Beast, តើការរៀបការរួច វាពិតជាបែបនេះឬ? វាដូចជាមនុស្សពីរនាក់ខុសគ្នាទាំងស្រុង ខ្ញុំមិនជឿភ្នែកខ្ញុំទេ, រូបភាពរបស់គាត់គឺផ្ទុយស្រឡះពីប្តីបច្ចុប្បន្នរបស់គាត់ គាត់មានអាកប្បកិរិយារឹងមាំ និងភាពចាស់ទំ,…»។
យ៉ាងណាមិញ ប្រពន្ធដែលបានបង្ហោះរូបថតនេះ បានលើកឡើងថា នេះពិតជាប្តីរបស់នាងមែន ប៉ុន្តែរូបរាងរបស់គាត់បានផ្លាស់ប្តូរច្រើន ក្នុងរយៈពេលត្រឹមតែ ៥ ឆ្នាំប៉ុណ្ណោះ។ នាងបន្តថា អ្នកនិយមលេងអ៊ីនធឺណេត មិនជឿគាត់នោះទេ ព្រោះសូម្បីតែអ្នកស្គាល់គ្នា និងមិត្តភ័ក្តិរបស់ពួកនាង ក៏មានការភ្ញាក់ផ្អើលចំពោះការផ្លាស់ប្តូររូបរាងរបស់គាត់ ហើយជាក់ស្តែង ពួកគេខ្លះមិនស្គាល់គាត់ទេ។
ភរិយាក៏បាននិយាយដែរថា មូលហេតុដែលនាងសម្រេចចិត្តបង្ហោះរូបភាពស្វាមីកាលពី៥ឆ្នាំមុន គឺដោយសារតែបន្ទាប់ពីមាននិន្នាការ «Beauty and the Beast» ដែលមានន័យថា ប្រពន្ធដូចទេពធីតា រីឯប្តីដូចក្របីព្រៃ។ ហើយទទួលបានអ្នក Follow ដល់ទៅជាង ១.៣លាននាក់ ខណៈអ្នកតាមដានជាច្រើនបានចចាមអារ៉ាមចម្លែកៗថា នាងយល់ព្រមរៀបការជាមួយប្តី ដោយសារតែគាត់ជាសេដ្ឋី។ ដូច្នេះនាងចង់ប្រឆាំងនឹងការពិតនេះ។
គួរបញ្ជាក់ថា គូស្នេហ៍មួយគូនេះបានរៀបការអស់រយៈពេល៥ឆ្នាំមកហើយ ហើយមានកូនស្រី២នាក់ជាមួយគ្នា ។ គូស្នេហ៍មួយគូនេះបានចាប់ផ្តើមបង្ហោះឃ្លីបពីជីវិតប្រចាំថ្ងៃរបស់ពួកគេនៅលើប្រព័ន្ធផ្សព្វផ្សាយសង្គមក្នុងខែវិច្ឆិកា ឆ្នាំ ២០២៣ ។ កម្រងព័ត៌មាននៅលើប៉ុស្តិ៍របស់ពួកគេបានសរសេរថា «
គ្រាន់តែជាប្ដីប្រពន្ធដ៏សាមញ្ញមួយ ដែលចែករំលែកជីវិតប្រចាំថ្ងៃរបស់យើងប៉ុណ្ណោះ!!»៕
