Sunday, January 29, 2023

ផ្ទុះអាវុធ នៅ​តំបន់​ជិត​ស្ថានីយ៍​រថភ្លើង​ក្រោម​ដី Oxford Circus ប្រទេស​អង់គ្លេស​

spot_img

នៅវេលា​ម៉ោង ១៦​និង​៣៧​នាទី នា​តំបន់ Oxford Circus ជា​មជ្ឈមណ្ឌល​លក់ដូរ​អ៊ូរ​អរ​មួយ​កណ្តាល​រដ្ឋធានី​ឡុង​ដុង ប្រទេស​អស់គ្លេស កើត​មាន​ការផ្ទុះ​អាវុធ​ចំ​ថ្ងៃ​សុក្រ “​ខ្មៅ​” ទី​២៤/១១ ចំ​ពេល​ដែល​មនុស្ស​ជាច្រើន​កំពុង​សំរុក​ទៅ​ទិញ​ទំនិញ​។​

បន្ទាប់​ពី​ស្នូរ​អាវុធ​ផ្ទុះ​មនុស្សម្នា​នាំគ្នា​រត់​ឆ្លេរ​ឆ្លា​តាមផ្លូវ Oxford Circus ស្របពេល​ដែល​ប៉ូលិស​ក៏​មាន​វត្តមាន​ភ្លាមៗ​នៅ​កន្លែងកើតហេតុ និង​ហ៊ុមព័ទ្ធ​រុករក​ចាប់ខ្លួន​ភេរ​វករ​។

គិត​ត្រឹម​ខណៈ​ពេល​នេះ ប៉ូលិស​អង់គ្លេស ទើបតែ​ប្រកាស​យ៉ាងខ្លី​ថា “​គ្រប់​ហេតុការណ៍​បច្ចុប្បន្នកំពុង​ត្រូវ​បាន​ស៊ើបអង្កេត​”​។

កងកម្លាំង​សន្តិសុខ​ក៏​បានឲ្យដឹងថា ពុំ​មាន​អ្នកស្លាប់​ក្នុង​ហេតុការណ៍​នេះ​ទេ ប៉ុន្តែ​ពួកគេ​ពុំ​ទាន់​រក​ឃើញ​ជន​បន្ទុះ​អាវុធ​។​

​ស្រប​ពេល​គ្នា​នោះ​ប្រព័ន្ធ​ផ្សព្វផ្សាយ​អង់គ្លេស​ឲ្យដឹងថា មាន​អ្នករបួស ៩​នាក់ ត្រូវបាន​បញ្ជូន​ទៅកាន់​មន្ទីរពេទ្យ​។​

ពេលនេះ​ប៉ូលិស​ប្រដាប់​អាវុធ​ត្រូវ​បាន​ពង្រាយ​ពេញ​ក្នុង​តំបន់ Oxford Circus មនុស្ស​រាប់រយ​នាក់​។

ស្ថានីយ៍​រថភ្លើង​ក្រោម​ដី​២​គឺ Oxford Circus និង​ផន​ស្ទ្រីក ត្រូវ​បាន​បិទទ្វារ​

ប៉ូលិស​ដាស់តឿន​ឲ្យ​មនុស្ស​ទាំងឡាយ​ដែល​កំពុង​ស្ថិតនៅ​តាម​ដង​វិថី​ឲ្យចូល​ទៅ​ក្នុង​អគារ​

មុន​នោះ​កាសែត Daily Mail បាន​ចុះផ្សាយ​ព័ត៌មាន​ពី​ករណី​ផ្ទុះអាវុធ​មួយ​កើតឡើង​នៅ​ស្ថានីយ៍​រថភ្លើង​ក្រោម​ដី Oxford Circus ហើយ​ប៉ូលិស​ក្រុង​ឡុង​ឲ្យដឹងថា គេ​កំពុង​ដោះស្រាយ​រឿងរ៉ាវ​មួយ “​អាច​ទាក់ទង​ដល់​ភេរវកម្ម​”​។​