ចោរអ៊ីនធើរណេតម្នាក់ ឈ្មោះ George Garofano ត្រូវបានផ្តន្ទាទោសឲ្យជាប់គុក ៨ ខែ ក្នុងករណីចោទប្រកាន់ថាបានលួចយករូបថតអាក្រាតរបស់នាង Jennifer Lawrence ។
ជនល្មើស Garofano អាយុ ២៦ ឆ្នាំ ត្រូវបានចោទប្រកាន់ពីបទលួចចូលគណនីឯកជន iCloud ជាង ២០០ នាក់ ក្នុងនោះរួមមានតារាល្បីៗដូចជា JenniferLawrence, Kirsten Dunst និង Kate Upton កាលពីឆ្នាំ២០១៤ ។
ទទួលទោសកំហុសនៅក្នុងខែមេសា គាត់គឺជាមនុស្សម្នាក់ ក្នុងចំណោមមនុស្សប្រុស ៤ នាក់ ដែលត្រូវបានចាប់ខ្លួនដោយសាររឿងអាស្រូវនេះ ដោយអាជ្ញាធរនិយាយថា ក្រុមនេះបានប្រើប្រាស់គ្រោងការណ៍ក្លែងបន្លំមួយ ដែលបានផ្ញើអ៊ីម៉ែល ក្លែងខ្លួនធ្វើជាមនុស្សមកពីគណនីសន្តិសុខរបស់ក្រុមហ៊ុន Apple ដោយសួរសុំ «username» និង «password» របស់ជនរងគ្រោះទាំងនោះ ។
ចោរ៣នាក់ផ្សេងទៀត ត្រូវបានកាត់ទោសរួចហើយ ដោយត្រូវជាប់គុកក្នុងម្នាក់ៗចន្លោះពី ៩ ខែ ទៅ ១៨ ខែ ប៉ុន្តែ ចៅក្រមសហព័ន្ធអាមេរិក នៅក្នុងទីក្រុង Bridgeport រដ្ឋ Connecticut បានបង្គាប់ឲ្យជនល្មើស Garofano ត្រូវជាប់គុក ៨ ខែ ធ្វើឡើងបន្ទាប់រយៈពេល ៣ ឆ្នាំ នៃការដោះលេងត្រូវតាមឃ្លាំមើល ចំពោះបទល្មើសរបស់គាត់ ទៅលើច្បាប់ក្លែងបន្លំ និងរំលោភបំពានកុំព្យួទ័រ ៕ ឧត្តម (ប្រភព៖ Lad Bible)
