គ្រោះរញ្ជួយដីដែលបានកើតឡើង កាលពីរសៀលថ្ងៃទី២៨ ខែមីនា ឆ្នាំ២០២៥ បានបង្កការភ័យស្លន់ស្លោដល់ប្រជាពលរដ្ឋគ្រប់ទីកន្លែង រួមទាំងការខូចខាតយ៉ាងធ្ងន់ធ្ងរនៅក្នុងតំបន់ជាច្រើន នៅក្នុងទីក្រុងបាងកក ដូចជាអគារបាក់រលំ អគារបាក់បែក និងសំណង់ដទៃទៀត ក៏រងការខូចខាតផងដែរ។
ខណៈដែលមានការរញ្ជួយដីបានកើតឡើង នារសៀលថ្ងៃទី២៨ ខែមីនា ឆ្នាំ២០២៥ អ្នកប្រើប្រាស់ហ្វេសប៊ុកឈ្មោះ E-So Khi Khao: E-So បានបង្ហោះវីដេអូឃ្លីបនៃខុនដូដ៏ល្បីមួយកន្លែង នៅក្នុងតំបន់ Thonglor ដែលត្រូវបានដឹងថា ជាអគារខុនដូភ្លោះ ដែលមានផ្លូវដើរតភ្ជាប់គ្នានៅជាន់កំពូល។
តែអ្វីដែលគួរឲ្យរន្ធត់ខ្លាំងនោះ គឺការរញ្ជួយដីបានបណ្តាលឱ្យការតភ្ជាប់ផ្លូវរវាងអគារទាំងពីរត្រូវបានកាត់ផ្តាច់ បន្ទាប់ពីអគារទាំងពីរបានង្គើ ដែលឃើញហើយពិតជាគួរឲ្យខ្លាចណាស់។
ទោះជាយ៉ាងណា ចំពោះវិធានការសំណងសម្រាប់ខុនដូ នឹងត្រូវរង់ចាំការប្រកាសថា តើនឹងត្រូវធ្វើយ៉ាងណានៅពេលក្រោយ៕
