ខេត្តព្រះវិហារ៖ អាជ្ញាធរមីន បានឲ្យដឹងថា នៅវេលាម៉ោង១៥និង២៦នាទី ថ្ងៃទី២៩ ខែមីនា ឆ្នាំ២០២៥ ក្នុងភូមិសែនជ័យ ឃុំស្រអែម ស្រុកជាំក្សាន្ត ខេត្តព្រះវិហារ មានករណីត្រាក់ទ័រភ្ជួរដីដាំដំឡូងជាន់លើមីនតោនផ្ទុះ បណ្តាលឱ្យរងការខូចខាតត្រាក់ទ័រទាំងស្រុង និងរងរបួសធ្ងន់ម្នាក់។
អ្នកបើកបរត្រាក់ទ័រ ឈ្មោះ វន វុន ភេទប្រុស អាយុ ៣១ឆ្នាំ រស់នៅភូមិចារ ឃុំកន្ទួត ស្រុកជាំក្សាន្ត ខេត្តព្រះវិហារ ។ ជនរងគ្រោះត្រូវបានក្រុមគ្រួសារបញ្ជូនមកសង្គ្រោះបន្ទាន់នៅមន្ទីរពេទ្យអគ្គ (មន្ទីរពេទ្យសម្តេចអគ្គមហាសេនាបតីតេហ៊ុន សែន)ឃុំស្រអែម ស្រុកជាំក្សាន្ត ខេត្តព្រះវិហារ៕ រក្សាសិទ្ធដោយ៖សុទ្ធលី
