កម្ពុជា-ទីម័រឡេស្តេ បញ្ជាក់ឡើងវិញនូវការប្តេជ្ញាចិត្ត ក្នុងការធ្វើការជាមួយគ្នាឱ្យកាន់តែស្និទ្ធស្នាល សំដៅពង្រឹងមិត្តភាព និងកិច្ចសហប្រតិបត្តិការ ដើម្បីជាផលប្រយោជន៍ទៅវិញទៅមក

ភ្នំពេញ ៖ នៅរសៀលថ្ងៃទី ៣ ខែមេសា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានជួបពិភាក្សាទ្វេភាគីជាមួយឯកឧត្តម Bendito Dos Santos Freitas រដ្ឋមន្ត្រីការបរទេស និងសហប្រតិបត្តិការនៃសាធារណរដ្ឋប្រជាធិបតេយ្យទីម័រឡេស្តេ ក្នុងឱកាសដែលឯកឧត្តមអញ្ជើញមកបំពេញទស្សនកិច្ចផ្លូវការនៅកម្ពុជាពីថ្ងៃទី៣ ដល់៤ ខែមេសា ឆ្នាំ២០២៥។

ក្នុងជំនួប ឯកឧត្តមរដ្ឋមន្ត្រីការបរទេសទាំងពីរ បានពិភាក្សាអំពីការពង្រឹងកិច្ចសហប្រតិបត្តិការលើវិស័យនានា រាប់ចាប់ពីវិស័យសេដ្ឋកិច្ច ពាណិជ្ជកម្ម ទេសចរណ៍ អប់រំ និងការផ្លាស់ប្តូររវាងប្រជាជន និងប្រជាជន។ ភាគីទាំងពីរបានបញ្ជាក់ឡើងវិញនូវការប្តេជ្ញាចិត្ត ក្នុងការធ្វើការជាមួយគ្នាឱ្យកាន់តែស្និទ្ធស្នាល សំដៅពង្រឹងមិត្តភាព និងកិច្ចសហប្រតិបត្តិការ ដើម្បីជាផលប្រយោជន៍ទៅវិញទៅមក នៃប្រជាជន និងប្រជាជាតិទាំងពីរ៕រក្សាសិទ្ធដោយ៖សុទ្ធលី