សារលិខិតរបស់ សម្តេចធិបតី នាយករដ្ឋមន្ត្រី ផ្ញើជូន ឯកឧត្តមប្រធានាធិបតី ដូណាល់ ត្រាំ ដើម្បីស្នើចរចាពាក់ព័ន្ធនឹងការតម្លើងពន្ធរបស់អាមេរិក មកលើកម្ពុជា

ភ្នំពេញ ៖ សម្តេចនាយករដ្ឋមន្ត្រី ហ៊ុន ម៉ាណែត ផ្ញើលិខិតទៅកាន់ប្រធានាធិបតីអាម៉េរិក លោក ដូណាល់ ត្រាំ នាថ្ងៃទី៤ ខែមេសានេះ ដើម្បីស្នើសុំចរចាជាមួយភាគីអាម៉េរិក ទាក់ទងនឹងការអនុវត្តពន្ធ៤៩ភាគរយលើផលិតផលទំនិញកម្ពុជា ចាប់ពីថ្ងៃទី៩ ខែមេសា។

បើតាមសម្តេចនាយករដ្ឋមន្ត្រី , លិខិតផ្ញើរទៅ ឯកឧត្តម Donald J. Trump ប្រធានាធិបតីនៃសហរដ្ឋអាមេរិក ពាក់ព័ន្ធនឹងការស្នើចរចាលើការអនុវត្តពន្ធលើការនាំចេញរបស់កម្ពុជាទៅកាន់សហរដ្ឋអាមេរិក ដែលឆ្លើយតបនឹងសេចក្តីជូនដំណឹងរបស់អាមេរិកនៅថ្ងៃទី២ ខែមេសា។

សូមជម្រាបថា នៅព្រឹកថ្ងៃទី៣ ខែមេសា ឆ្នាំ២០២៥ ដែលត្រូវនឹងថ្ងៃទី២ ខែមេសា នៅសហរដ្ឋអាម៉េរិក លោក ដូណាល់ ត្រាំ បានសម្រេចកំណត់ពន្ធគយលើទំនិញនាំចូលពីកម្ពុជា ប្រមាណ៤៩% ដែលកម្រិតខ្ពស់មួយ ដើម្បីជាការសងសឹក ខណៈកម្ពុជាយកពន្ធនាំចូលទំនិញ ពីសហរដ្ឋអាម៉េរិកវិញក្នុងកម្រិត ៩៧%។ បើតាមលោកត្រាំ ការដំឡើងពន្ធនេះ នឹងចូលជាធរមាននៅថ្ងៃទី៩ ខែមេសា ឆ្នាំ២០២៥ខាងមុខនេះ៕រក្សាសិទ្ធដោយ៖សុទ្ធលី