តាមរយៈសំណេនៅលើបណ្ដាញសង្គម លោកជំទាវបណ្ឌិតបានមានប្រសាសន៍ថា” ឆ្លៀតចុងសប្តាហ៍ដើរកម្សាន្ត និងទស្សនាទិដ្ឋភាពជាក់ស្តែងនូវផ្លូវថ្មើរជើង (Walk Street)។ បានទទួលទានរបស់ដែលនាងខ្ញុំចូលចិត្ត មានអារម្មណ៍នឹកជីវិតកុមារភាព។ ពិតជាចង់មកម្តងទៀតជាមួយidolខ្ញុំ”។
ក្នុងនាមអាជ្ញាធរក៏ដូចរដ្ឋបាលរាជធានីភ្នំពេញលោកស្រីដោ សម្ផស្ស នាយិការងនិងជាអ្នកនាំពាក្យរដ្ឋបាលរាជធានីភ្នំពេញបានអំពាវនាវដល់ បងប្អូនអាជីវករអ្នកលក់ដូរតាមបណ្តោយផ្លូវថ្មើរជើងគឺហាមមិនអោយក្រាលកន្ទេលលក់ដូរ និងអង្គុយញាំលើស្មៅលើសួនច្បារដែលបណ្តាលអោយងាប់ស្មៅ ងាប់ផ្កានិងប៉ះពាល់ដល់បរិស្ថាន។ មួយរយះកន្លងមកនេះ គេសង្កេតឃើញមានការក្រាលកន្ទេលលក់ និងមានអ្នកអង្គុយញាំលើស្មៅនិងចាក់កាកសំណល់តាមមាត់លូហើយថែមទាំងមានអ្នកទិញកាន់មកញាំលើស្មៅដែរ គឺទាំងអ្នកលក់និងអ្នកទិញត្រូវហាមមិនអោយអង្គុយលើស្មៅដាច់ខាត។
លោកស្រីដោ សម្ផស្ស គូសបញ្ជាក់ថា៖ផ្លូវថ្មើរជើងជាតំបន់ស្ងួតហាមលេងបាញ់ទឹក ជះទឹក។ តែបើបងប្អូនចង់បានតំបន់ត្រជាក់ចិត្តសូមទៅលេងនៅសង្គ្រាន្តវត្តភ្នំជុំវិញបរិវេណរមណីយដ្ឋានវប្បធម៌ប្រវត្តិសាស្ត្រវត្តភ្នំ ដែលរដ្ឋបាលរាជធានីភ្នំពេញបានរៀបចំសង្គ្រាន្តវត្តភ្នំ ដើម្បីផ្តល់ឱកាសជូនបងប្អូនប្រជាពលរដ្ឋយើងរួម ទាំងភ្ញៀវទេសចរជាតិ អន្តរជាតិមានកន្លែងលេងកំសាន្តសម្បូរបែប និងច្រើនទីតាំងក្នុងឧិកាសបុណ្យចូលឆ្នាំថ្មីប្រពៃណីជាតិ ឆ្នាំម្សាញ់ សប្តសក្ត័ ព.ស២៥៦៩ ត្រូវនឹងគ.ស២០២៥ ដែលពិធីបុណ្យចូលឆ្នាំថ្មីនឹងប្រព្រឹត្តទៅរយះពេល៣ថ្ងៃគឺពីថ្ងៃទី១៤ដល់១៦មេសា។
នៅល្ងាចថ្ងៃសៅរ៍ទី៥ ខែមេសាដែលជាសប្តាហ៏ទី១នៃខែថ្មី ឯកឧត្តមឃួង ស្រេង អភិបាលនៃគណៈអភិបាលរាជធានីភ្នំពេញ និងលោកជំទាវ បានអញ្ជេីញអមដំណេីរលោកជំទាវបណ្ឌិត ពេជចន្ទ័មុនី ហ៊ុនម៉ាណែត បានអញ្ជើញទៅពិនិត្យមើលស្ថានភាពជាក់ស្តែងនៅតាមបណ្តោយផ្លូវថ្មើរ
ជើងមាត់ទន្លេ ដោយឯកឧត្តមឃួង ស្រេងបានធ្វើការណែនាំបន្ថែមដល់អាជ្ញាធរ និងសមត្ថកិច្ចពាក់ពន្ធ័ត្រូវយកចិត្តទុកដាក់ទៅលើបញ្ហាសន្តិសុខ សណ្តាប់ធ្នាប់ របៀបរៀបរយសាធារណៈឲ្យបានល្អប្រសើរដោយត្រូវធានាថា ទាំងសង្គ្រាន្តវត្តភ្នំ និងផ្លូវថ្មើរជើងក្នុងឧិកាសបុណ្យចូលឆ្នាំថ្មីនេះប្រព្រឹត្តទៅដោយរលូននិងផ្តល់ភាព សប្បាយរីករាយដល់ប្រជាពលរដ្ឋនៅរាជធានីភ្នំពេញ និងបងប្អូនមកពីតាមបណ្តាខេត្តរួមទាំងភ្ញៀវទេសចរបរទេសផង បានសប្បាយរីករាយ និងមានភាពកក់ក្តៅក្នុងឱកាសបុណ្យចូលឆ្នាំថ្មីប្រពៃណីជាតិរបស់យើង។ តាមបណ្តោយផ្លូវថ្មើរជើង រដ្ឋបាលរាជធានីភ្នំពេញបានរៀបចំឲ្យិមានការលក់ដូរលើដងផ្លូវនាពេល រាត្រីភាគច្រើនជាផលិតផលផលិតដោយដៃ រួមទាំងការរៀបចំឪ្យិមានការសម្តែងសិល្បៈបុរាណសម័យច្រើនទម្រង់ ដើម្បីទាក់ទាញភ្ញៀវទេសចរឲ្យចូលមកលេងកំសាន្ត២ថ្ងៃ ក្នុងមួយសប្តាហ៏ គឺថ្ងៃសៅរ៍ និងថ្ងៃអាទិត្យ។
ដោយឡែកសម្រាប់ ពិធីបុណ្យចូលឆ្នាំ៣ថ្ងៃរដ្ឋបាលរាជធានីភ្នំពេញ នឹងបើកឲ្យមានការលេងកំសាន្តបន្ថែម៣ថ្ងៃទៀត។ ឯកឧត្តមអភិបាលបានអំពាវនាវឲ្យបងប្អូនអាជីវករលក់ដូរ នៅ ផ្លូវថ្មើរជើងក៏ដូចបងប្អូនដែលមកលេងកំសាន្ត ឪ្យចូលរួមលើកកម្ពស់អនាម័យ បរិស្ថាន,វេចខ្ចប់កាកសំណល់ហូបចុករួចត្រូវច្រកក្នុងថង់រួមយកទៅដាក់ក្នុងធុង សំរាមដែលនៅជិតបងប្អូន។ បងប្អូនត្រូវយល់ថា៖ ទីក្រុងស្អាត មានអនាម័យល្អ គឺ ផ្តើមចេញពីយើងម្នាក់ និងធ្វើខ្លួនជាប្រជាពលរដ្ឋរស់នៅក្នុងទីក្រុងដែលស៊ីវិល័យ និងថ្លៃថ្នូរ៕ រក្សាសិទ្ធដោយ៖សុទ្ធលី
