សត្វស្វាដ៏ឆ្លាតមួយក្បាល បានកំពុងទទួលបានការចាប់អារម្មណ៍ជាខ្លាំងនៅលើបណ្តាញសង្គម ចំពោះប្រតិកម្មដ៏គួរឲ្យស្រលាញ់របស់វា បន្ទាប់ពីត្រូវបានផ្តល់ឲ្យនូវធុរេន១ក្លែប នៅក្នុងតំបន់ទេសចរណ៍មួយនៃប្រទេសចិន ។
ខណៈពេលគួរឲ្យស្ងើចសរសើរនេះ ត្រូវបានដោយភ្ញៀវទេសចរម្នាក់ នៅទីក្រុង Leshan ខេត្ត Sichuan ភាគខាងត្បូងនៃប្រទេសចិន កាលពីថ្ងៃទី២៣ ខែសីហា, នេះបើយោងតាម Newsflare ដែលបានបង្ហោះវីដេអូនេះលើកដំបូង ។
ស្ត្រីម្នាក់ក្នុងចំណោមភ្ញៀវទេសចរជាច្រើន បានផ្តល់ធុរេន១ក្លែប ទៅឲ្យស្វានោះស៊ី ប៉ុន្តែ វាបង្ហាញអារម្មណ៍ហាក់ដូចជាពុំសូវពេញចិត្តនឹងផ្លែឈើនេះទេ ។ បន្ទាប់ពីបានដឹងក្លិនរបស់វា ស្វានោះក៏បានទម្លាក់ធុរេនទៅដីភ្លាមៗតែម្តង ។
ស្វានេះបន្ទាប់មក បានយកដៃស្តាំរបស់វា ទៅផ្អឹបនឹងច្រមុះ ដើម្បីហិតឲ្យដឹងកាន់តែច្បាស់ ។
បន្ទាប់ពីដឹងថា ផ្លែឈើនេះពិតជាធ្វើឲ្យក្លិនជាប់នៅនឹងដៃរបស់វា ស្វានេះក៏បានប្រញាប់ប្រញាល់ជូតវាយ៉ាងលឿន ទៅនឹងគល់ឈើ ហើយហិតវាម្តងទៀត ដើម្បីឲ្យដឹងថាតើក្លិនស្អុយនឹងរសាយបាត់ ឬ បន្តនៅ ។
យោងតាម South China Morning Post នោះក៏មានសត្វដទៃទៀតផងដែរ ដែលបានបង្ហាញពីអារម្មណ៍មិនពេញចិត្តនឹង «ស្តេចផ្លែឈើ» នេះ ។
ពិតណាស់ មនុស្សជាច្រើនក៏មិនចូលចិត្ត «ក្លិន» ធុរេនផងដែរ ។ មនុស្សមួយចំនួនបានព្យាយាមកត់ត្រាខ្លួនឯងពួកគេហូបផ្លែឈើនេះ ជាផ្នែកនៃការប្រកួតប្រជែងមួយ ខណៈអ្នកដទៃទៀតក៏រត់ចេញពីក្លិន ៕ ចន្ទី (nextshark)
