ភ្នំពេញ ៖ បុរសម្នាក់ទេីបទិញម៉ូតូ មួយគ្រឿង ម៉ាក click ពណ៌ស ពាក់ផ្លាកលេខ ភ្នំពេញ 1LQ-2673 ចេញពីកន្លែងលក់ថ្មីៗ ក្នុងគោលបំណងជិះទៅផ្ទះនៅឯខេត្តព្រៃវែង ដោយបេីកបរក្នុងទិសដៅពីត្បូងទៅជេីង ខណៈពេលដែលជិះមកដល់ត្រង់ចំណុចទីតាំងកេីតហេតុខាងលេី ក៏មានបុរសម្នាក់ទៀត បេីកបរម៉ូតូកង់បីឥណ្ឌា មួយគ្រឿង ពណ៌ស ពាក់ផ្លាកលេខ ភ្នំពេញ 1KP-8155 បានជិះបញ្ច្រាសទិស ដោយធ្វេីដំណេីរក្នុងទិសដៅពីជេីងទៅត្បូង ក៏បានបុកជាមួយនឹងម៉ូតូជនរងគ្រោះស្លាប់ភ្លាមៗនៅនឹងកន្លែងតែម្តង។
ហេតុការណ៍នេះបានកេីតឡេីងនៅវេលាម៉ោង ១១និង៤០នាទីព្រឹក ថ្ងៃទី០៥ ខែមិថុនា ឆ្នាំ២០២៥ ដែលស្ថិតនៅតាមបណ្តោយផ្លូវជាតិលេខ៦អា សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
ក្រោយពេលកើតហេតុ កម្លាំងសមត្ថកិច្ចជំនាញមូលដ្ឋានបានចុះមកដល់ទីតាំងខាងលេី និងបានធ្វេីការឃាត់ខ្លួនអ្នកបេីកបរម៉ូតូកង់បីឥណ្ឌា ដែលជិះបញ្ច្រាសទិសនោះ យកទៅកាន់ប៉ុស្តិ៍នគរបាលរដ្ឋបាលជ្រោយចង្វារ ដេីម្បីប្រគល់ជូនសមត្ថកិច្ចជំនាញផ្នែកចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាតាមផ្លូវច្បាប់ផងដែរ៕ រក្សាសិទ្ធដោយ៖សុទ្ធលី
