ខេត្តប៉ៃលិន៖ អាជ្ញាធរមីនបានឲ្យដឹងថា នៅថ្ងៃទី១០ ខែមិថុនា ឆ្នាំ២០២៥ វេលាម៉ោង ១៣ៈ៤០នាទី មានករណីផ្ទុះមីនតោននៅដីស្រែស្ថិតក្នុងភូមិដីស្អិត ឃុំស្ទឹងត្រង់ ស្រុកសាលាក្រៅ ខេត្តប៉ៃលិន បានបណ្តាលឱ្យអ្នកអ្នកបើកត្រាក់ទ័រម្នាក់បានស្លាប់ នៅពេលកំពុងបើកត្រាក់ទ័រភ្ជួរដីស្រែ។
ជនរងគ្រោះឈ្មោះ យ៉ាន ដា ភេទប្រុស អាយុ ២៤ឆ្នាំ មានទីលំនៅភូមិស្ពានកណ្តាល ឃុំបវេល ស្រុកបវេល ខេត្តបាត់ដំបង។
ឯកឧត្តមហេង រតនា អគ្គនាយកស៊ីម៉ាក់បានថ្លែងសារលើបណ្តាញសង្គមថា សូមរំលែកទុក្ខជាមួយគ្រួសារសព និងសូមវិញ្ញាណក្ខន្ធជនរងគ្រោះ បានទៅកាន់ឋានសុគតិភពកុះបីឃ្លៀងឃ្លាតឡេីយ។ នេះជាសំណល់យុទ្ធភណ្ឌសង្គ្រាម ដែលនៅតែបន្តគម្រាមកំហែងដល់សេចក្តីសុខសុវត្ថិភាពរបស់ប្រជាពលរដ្ឋ បេីទោះបីជាសង្គ្រាមបានបញ្ចប់ជាង២៥ឆ្នាំហេីយក៏ដោយ! រាជរដ្ឋាភិបាលក្រោមការដឹកនាំរបស់សម្តចធិបតីបានបន្តខិតខំកិច្ចប្រតិបត្តិការបោសសម្អាតសំណល់គ្រាប់មីននិងគ្រាប់យុទ្ធភណ្ឌមិនទាន់ផ្ទុះយ៉ាងសកម្ម ដេីម្បីរំដោះទឹកដីសុវណ្ណភូមិពីឃាតករលាក់មុខទាំងនេះ! ៕ រក្សាសិទ្ធដោយ៖សុទ្ធលី
