Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

អាង​ខ្លួន​ជា​ប៉ូលិស​ក្រសួងមហាផ្ទៃ ដក​កាំភ្លើង វាយ​បុរស​ម្នាក់ បែកក្បាល និង​បាញ់​គំរាម​១​គ្រាប់ ដោយសារ​ទំនាស់​បើករថយន្ត​គៀរ​ម៉ូតូ​

spot_img

ភ្នំពេញ​៖​អាង​ខ្លួន​ជា​ប៉ូលិស​ក្រសួងមហាផ្ទៃ​បុរស​ម្នា​ក់បាន​ដក​កាំភ្លើង​វាយ​បុរស​ម្នាក់​បែកក្បាល​និង​បាញ់​គំរាម​១​គ្រាប់​ដោយសារ​ទំនាស់​គៀរ​ម៉ូតូ​នៅតាម​ផ្លូវ​៥៩៨​។​ជនបង្ក​ដែលជា​ប៉ូលិស​ជិះ​រថយន្ត​ទំនើប​មួយគ្រឿង​ម៉ាក BMW ស្លាក​លេខ​ភ្នំពេញ 2AG-7898​ត្រូវ​ចាប់ខ្លួនបាន​ក្រោយពេល​បង្កហេតុ​ដោយ​ហិង្សា​។ ហេតុការណ៍​នេះ​កើតឡើង​នៅតាម​ផ្ល​វ​៥៩៨ ជិត​ស្នងការ​រាជធានី​ភ្នំពេញ ក្នុង​សង្កាត់​ច្រាំង​ចំរេះ​ទី​២ ខណ្ឌឫស្សីកែវ កាលពី​ម៉ោងជាង​៨​យប់​ថ្ងៃទី​២៦ ខែវិច្ឆិកា ឆ្នាំ​២០១៧​នេះ​។​

​សមត្ថកិច្ច​ឱ្យដឹងថា​៖ ជនបង្ក​ជា​មន្ត្រីនគរបាល​ឈ្មោះ កេ​ត ផា​រ៉ែ​ន មាន​ឋានៈ​ថ្នាក់​ជា​អនុសេនីយ៍ទោ​។ ជនប្រដាប់អាវុធ បាន​សា​ភាព​ថា មូលហេតុ​ដែក​គេ​ដក​កាំភ្លើង វាយ​និង​បាញ់​ទៅលើ​ជន​ទាំង​៣​នាក់​នេះ ពីព្រោះ​ស្មានតែ​ពួកគេ តាម​ប្លន់​ឬ​វាយ​រូបគេ ពេល​កំពុង​ឈប់​ជុះនោម​កន្លែង​ស្ងាត់​។​
​មុនពេល​កើតហេតុ​ឈានដល់​ដក​កាំភ្លើង​បាញ់​និង​វាយ​ក្បាល​បុរស​ម្នាក់​ក្នុងចំណោម​៣​នាក់​នោះ​គឺ​ដើមហេតុ​ដំបូង​ប៉ូលិស​ក្រសួងមហាផ្ទៃ​បាញ់​សំឡុត​នោះ​គឺ​បុរស​៣​នាក់​ខាងលើ​បាន​ជិះ​ម៉ូតូ​មួយគ្រឿង​តាម​បណ្តោយ​ផ្លូវ​៥៩៨ ស្រាប់តែ​កំពុង​ជិះ​តាមផ្លូវ ក៏មាន​រថយន្ត​មួយគ្រឿង​របស់​ជនបង្ក​ខាងលើ បាន​ជិះ​គៀរ​ម៉ូតូ​របស់​បុរស​ទាំង​៣ រួច​បន្តដំណើរ​មក​មុខ​បាត់​មិន​ឈប់​ដោះស្រាយ​ទេ​។​
​ក្រោយមក​បុរស​ទាំង​៣​នាក់​បាន​ជិះ​ម៉ូតូ បន្តដំណើរ​មក​មុខ​ក៏​ឃើញ​រថយន្ត​ដែល​គៀរ​ម៉ូតូ​របស់ខ្លួន​កំពុង​ឈប់​ភ្លាមនោះ បុរស​ទាំង​៣ បានឃើញ​ម្ចាស់​រថយន្ត កំពុង​ឈរ​ជុះនោម បុរស​ទាំង​៣​បាន​ចុះ​ពី​ម៉ូតូ ដើរមក​រករឿង ស្រាប់តែ​ម្ចាស់​រថយន្ត បាន​យក​កាំភ្លើងខ្លី វាយ​ក្បាល​បុរស​ម្នាក់​ក្នុងចំណោម​បុរស​ទាំង​៣ បណ្តាល​ឲ្យ​បែកក្បាល​ឈាម​ពេញមុខ បន្ទាប់ពី​វាយ​មិន​អស់ចិត្ត​ក៏​ដក​កាំភ្លើង បាញ់​សំឡុត​១​គ្រាប់​ទៀត​។ ក្រោយពី​បាញ់​ហើយ មន្ត្រី​ប៉ូលីស ដែលជា​ជនបង្ក បាន​ព្យាយាម​រត់ តែ​គេចខ្លួន​មិន​រួច ក៏ត្រូវ​សមត្ថកិច្ច​ឃាត់ខ្លួន​បាន​នាំយកទៅ​សួរនាំ​៕ ដោយ​៖​បញ្ញា​ស័ក្តិ​

spot_img
×