ខេត្តស្វាយរៀង ៖ បុរស២នាក់និងស្ត្រីវ័យជំទង់ម្នាក់បានរងរបួសធ្ងន់និងស្រាលនៅក្នុងករណីគ្រោះថ្នាក់ចរាចរណ៍មួយរវាងម៉ូតូដែលហេតុការណ៍ខាងលើនេះបានកើតឡើងនៅថ្ងៃទី ១០ ខែកញ្ញា ឆ្នាំ ២០១៨ វេលាម៉ោង ៧ និង ១៥ នាទី លើផ្លូវជាតិលេខ១៣ ស្ថិតក្នុងភូមិ ចក ឃុំកំពង់ចក ស្រុករំដួល ខេត្ត ស្វាយរៀង រវាងម៉ូតូនឹងម៉ូតូធ្វើដំណើស្របទិសគ្នា។
សមត្ថកិច្ចបានឱ្យដឹងថាៈម៉ូតូទី១ ម៉ាកហុងដាសេ១២៥ពណ៌ខ្មៅ ស៊េរីឆ្នាំ២០១៥ស្លាកលេខ ស្វាយរៀង 1F0293បើកបរដោយ ឈ្មោះ ឃឹម ស្រីនាត ភេទ ស្រី អាយុ១៧ ឆ្នាំ រស់នៅ ភូមិ អកនាគ សង្កាត់សង្ឃ័រក្រុង ស្វាយរៀង ខេត្តស្វាយរៀង បានធ្វើដំណើពីត្បូងទៅជើងលុះដល់ចំណុចកើតហេតុ ក៏បានបត់ឆ្វេងហើយ ត្រូវបានម៉ូតូមួយគ្រឿងទៀតដែលកំពុងធ្វើដំណើរ ពីក្រោយស្របទិសគ្នា បានបុកបណ្តាលឲ្យដួលទាំងពីរនាក់។ អ្នកបើកម៉ូតូC125របួសស្រាល សម្រាកព្យាបាលនៅមន្ទីពេទ្យឯកជនក្នុងឃុំកំពង់ចក(មិនពាក់មួកសុវត្ថិភាព) ម៉ូតូខូចខាតស្រាល។
ប្រភពដដែលបានឱ្យដឹងទៀតថាៈម៉ូតូទី២ ម៉ាកZoomerX ពណ៌ខ្មៅលាយសពាក់ស្លាកលេខ តាកែវ 1Q.7961 . បើកបរដោយឈ្មោះ ម៉ែន ទុំ ភេទប្រុស អាយុ ២០ ឆ្នាំ មានទីលំនៅភូមិ ទួលក្រូច ឃុំ ត្រពាំងស្តៅ ស្រុករមាសហែក ខេត្ត ស្វាយរៀង រងរបួសធ្ងន់ (មិនពាក់មួកសុវត្ថិភាព) ម៉ូតូខូូច ខាតស្រាល និងអ្នករួមដំណើរម្នាក់ ឈ្មោះ ម៉ែន សាមី ភេទ ប្រុស អាយុ ២៣ឆ្នាំ រស់នៅភូមិឃុំ ជាមួយគ្នា រងរបួស ស្រាល (ពាក់មួកសុវត្ថិភាព) ។មូលហេតុ ចំបងនៃគ្រោះថ្នាក់ចរារណ៍ខាងលើនេះ គឺដោយសារអ្នកបើកបរម៉ូតូហុងដាសេ125បត់ឆ្វេងខ្វះការប្រុងប្រយ័ត្ន។
បច្ចុប្បន្នជនរងគ្រោះបានបញ្ជួនទៅមន្ទីពេទ្យបង្អែកខេត្តស្វាយរៀង។ឯមធ្យោបាយធ្វើដំណើរទាំងពីរត្រូវបានយកមករក្សា ទុកនៅអធិការដ្ឋាននគរបាលស្រុករំដួល ដើម្បីបន្តនីតិវិធី ៕
ដោយ ៖ វ៉ៃកូ