កំពង់ធំ ៖ ស្ត្រីម្នាក់បានស្លាប់ភ្លាមៗនៅកន្លែងកើតហេតុ និងបុរសម្នាក់ បានរងរបួសធ្ងន់ ពេលជិះម៉ូតូទៅបុកបង្គោលស្លាកសញ្ញាចរាចរ នៅថ្ងៃទី១០ ខែកញ្ញា ឆ្នាំ២០១៨ វេលាម៉ោង១០នឹង៤៥នាទី លើកំណាត់ផ្លូវជាតិលេខ៦២ នៅចំណុចគីឡូម៉ែត្រលេខ២៦ ព្រំប្រទល់ភូមិខ្វាន់ទៀង និងភូមិគគីរ ឃុំសសលាវិស័យ ស្រុកប្រសាទបល្ល័ង្ក ខេត្តកំពង់ធំ។
មន្ត្រីនគរបាលចរាចរផ្លូវគោកខេត្តកំពង់ធំ បានឱ្យដឹងថា មិនពេលកើតហេតុ មានម៉ូតូមួយគ្រឿង ម៉ាកហុងដាC125 ពណ៌ខ្មៅ ពាក់ស្លាកលេខភ្នំពេញ1CK-5418 (បើកបរទិសដៅពីជើងទៅត្បូង) ដោយឈ្មោះ ឡាក់ ផល្លី ភេទស្រី អាយុ៣៤ឆ្នាំ នៅភូមិម្រាក់(ខ) ឃុំទួលគ្រើល ស្រុកប្រាសាទបល្ល័ង្ក ខេត្តកំពង់ធំ (ស្លាប់នៅកន្លែងកើតហេតុ មិនពាក់មួកសុវត្ថិភាព)។ អ្នករួមដំណើរឈ្មោះ យ៉ុម ចាន់ ភេទប្រុស អាយុ៣៤ឆ្នាំ នៅភូមិ-ឃុំជាមួយអ្នកបើកបររថយន្តខាងលើ (របួសធ្ងន់ មិនពាក់មួកសុវត្ថិភាព)។
មន្ត្រីនគរបាលដដែលបន្តថា មូលហេតុជាបឋមបង្កដោយអ្នកបើកបរម៉ូតូ បើកបរមានល្បឿនលឿន និងមិនគោរពស្លាកសញ្ញា នៅចំណុចផ្លូវកោង បានជ្រុលទៅបុករះបង្គោលសុវត្ថិភាព ដាក់តាមជាយផ្លូវ។ ក្រោយកើតហេតុសព ប្រគល់ជូនក្រុមគ្រួសារ ចំណែកអ្នករបួសបញ្ជូនទៅមន្ទីរពេទ្យ ៕ ដោយ ៖ កូឡាប
