កំពង់ធំ ៖ ក្មេង២នាក់បានស្លាប់ភ្លាមៗនៅហ្នឹងកន្លែងកើតហេតុ ក្នុងករណីគ្រោះថ្នាក់ចរាចររថយន្តបុកម៉ូតូ នៅថ្ងៃទី១២ ខែកញ្ញា ឆ្នាំ២០១៨ វេលាម៉ោង៦ ស្ថិតនៅលើផ្លូវជាតិលេខ៦ ចន្លោះគីឡូម៉ែត្រលេខ១៨៨-១៨៩ នៅភូមិបាគង ឃុំត្បែង ស្រុកកំពង់ស្វាយ ខេត្តកំពង់ធំ។
មន្ត្រីនគរបាលខេត្តកំពង់ធំ បានឱ្យដឹងថា មុនពេលកើតហេតុមានរថយន្តមួយគ្រឿងម៉ាកISUZU ពណ៌ស ពាក់ស្លាកលេខភ្នំពេញ 2AV-7563 ដែលមានបិទស្លាកសញ្ញាក្រុមហ៊ុនHITACHI បើកបរផ្លូវត្រង់ទិសដៅពីកើតទៅលិច) ដោយឈ្មោះផន ថេប ភេទប្រុស អាយុ៤២ឆ្នាំ នៅភូមិបាងកក សង្កាត់បាងកក ក្រុងថេប ប្រទេសថៃ (នាំខ្លួនទៅអធិការដ្ឋាននគរបាលស្រុកកំពង់ស្វាយ)។ អ្នករួមដំណើរជាមួយចំនួន២នាក់ទី១-ឈ្មោះ ឆាន ណាកាន ភេទស្រី អាយុ២៨ឆ្នាំ នៅភូមិ សង្កាត់ ជាមួយអ្នកបើកបររថយន្ត ទី២-ឈ្មោះ ម៉ុន ឈន ភេទប្រុស អាយុ៣៥ឆ្នាំ នៅភូមិធ្នុង ឃុំដានរុន ស្រុកសូទ្រនិគម ខេត្តសៀមរាប ពេលមកដល់កន្លែងកើតហេតុបុកម៉ូតូម៉ាកហុងដាC125 ពណ៌ខ្មៅ ពាក់ស្លាកលេខតាកែវ 1C-3009 បើកបរទិសដៅពីកើតទៅលិច ហើយបត់ឆ្វេង ដោយឈ្មោះ ចាន់ យុត្តិការ ភេទប្រុស អាយុ៩ឆ្នាំ នៅភូមិត្រាំខ្លា ឃុំត្បែង ស្រុកកំពង់ស្វាយ ខេត្តកំពង់ធំ ស្លាប់នៅកន្លែងកើតហេតុ មិនពាក់មួកសុវត្ថិភាព។ អ្នករួមដំណើរឈ្មោះ ធួក ឌុល ភេទប្រុស អាយុ៧ឆ្នាំ នៅភូមិ ឃុំជាអ្នកបើកបរម៉ូតូ ស្លាប់នៅកន្លែងកើតហេតុ មិនពាក់មួកសុវត្ថិភាព។
នគរបាល បានបញ្ជាក់មូលហេតុជាបឋម បង្កឡើងដោយអ្នកបើកបរម៉ូតូ បើកបត់ឆ្វេងខ្ជីខ្ជាខ្វះការប្រុងប្រយ័ត្ន រួមផ្សំនឹងអ្នកបើកបរ រថយន្តមានល្បឿនលឿន ៕ ដោយ ៖ បញ្ញាស័ក្តិ
