ខេត្តកំពង់ចាម ៖ គ្រោះថ្នាក់ចរាចរមួយបានកើតឡើងរវាងម៉ូតូ និងរថយន្ដ បណ្តាលឲ្យបុរសម្នាក់ស្លាប់នៅនឹងកន្លែង។
នៅថ្ងៃទី១៣ ខែកញ្ញា ឆ្នាំ២០១៨ វេលាម៉ោង ៨និង៥០នាទី នៅលើផ្លូវជាតិលេខ៦ នៅចំណុចខាងត្បូងស្ពានលេខ៣០ ភូមិបាធាយ ឃុំបាធាយ ស្រុកបាធាយ ខេត្តកំពង់ចាម មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូ និងរថយន្ដ ដោយម៉ូតូ១គ្រឿងម៉ាកហុងដា C១២៥ ពណ៍ខ្មៅ ពាក់ផ្លាកលេខកំពង់ធំ១I ១៨៨២ បើកបរដោយឈ្មោះ ឃន សីុន ភេទប្រុស អាយុ២៣ឆ្នាំ មានទីលំនៅភូមិកាលមេឃ ឃុំត្បូងក្រពើ ស្រុកសន្ទុក ខេត្តកំពង់ធំ ដែលមានទិសដៅពីត្បូងទៅជើង ដល់ចំនុចខាងលើបានប៉ះទង្គិចពីក្រោយរថយន្ត១គ្រឿង មិនស្គាល់ម៉ាក អ្នកបើកបរមិនស្គាល់អត្តសញ្ញាណដែលមានទិសដៅពីត្បូងទៅជើង ស្របទិសគ្នា ក្រោយពេលកើតហេតុរថយន្ដបានបើករត់គេចបាត់។
មូលហេតុ ៖ អ្នកបើកបរម៉ូតូប្រើប្រាស់ល្បឿនលឿន ដែលករណីនេះបណ្ដាលឲ្យ ស្លាប់មនុស្ស ១នាក់ អ្នកបើកបរម៉ូតូ និងខូចម៉ូតូ១គ្រឿង ៕ ដោយ ៖ បញ្ញាស័ក្តិ
