Sunday, August 31, 2025

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រគល់ម៉ូតូថ្មីសន្លាងមួយគ្រឿងនិងសាងសង់ផ្ទះជូនគ្រួសារវីរៈយុទ្ធជនជួរមុខ

ខេត្តកំពង់ចាម:ជាការពិតណាស់សមរភូមិក្រោយតែងតែផ្សារភ្ជាប់ជាមួយនឹងសមរភូមិមុខគ្រប់កាលៈទេសៈដែលមិនអាចកាត់ថ្លៃបាន។
ជាក់ស្ដែងឯកឧត្តម អ៊ុន ចាន់ដា អភិបាលខេត្តកំពង់ចាម និងសហការី នៅព្រឹកថ្ងៃទី១៨ ខែសីហា ឆ្នាំ២០២៥ បានចូលរួមអមដំណើរ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្រ្តីក្រសួងអប់រំយុវជន និងកីឡា និងជាប្រធានក្រុមការងារចុះមូលដ្ឋានស្រុកកងមាស អញ្ជើញចុះសួរសុខទុក្ខ នាំយកអំណោយមនុស្សធម៌ដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានអញ្ជើញចុះសួរសុខទុក្ខ អ្នកស្រី អេន ស៊ីណា  អាយុ ៣៨ឆ្នាំ ជាភរិយាវីរយុទ្ធជនជួរមុខ រស់នៅភូមិរាយប៉ាយកណ្តាល ឃុំរាយប៉ាយ ស្រុកកងមាស មានកូនក្នុងបន្ទុកចំនួន២នាក់​ មានគ្រួសារជាយុទ្ធជនឈ្មោះ ផុន សុធា ជាកងទ័ព កំពុងតែជាប់ដៃការពារបូរណភាពទឹកដីនៅព្រំដែនកម្ពុជា-ថៃ។

សូមបញ្ជាក់ថា អំណោយដែលត្រូវបានផ្តល់ជូន រួមមាន:
ម៉ូតូ ១គ្រឿង សម្ភារៈបរិក្ខារ គ្រឿងឧបភោគបរិភោគ និងថវិកាមួយចំនួន។ ទន្ទឹមនោះ គម្រោងផ្ទះថ្មី ១ខ្នង និងបង្គន់អនាម័យ ១បន្ទប់ ក៏ត្រូវបានចាប់ចាក់គ្រឹះព្រមគ្នាផងដែរ ដែលតាមមេជាងបានបញ្ជាក់ថា សំណង់នេះនឹងសាងសង់រួចរាល់នៅដើមខែក្រោយ
អាចឱ្យប្រពន្ធនិងកូនៗរួមទាំងម្ដាយថ្នាក់នៅសមរម្យ ហើយក៏សូមកុំឱ្យប្ដីខ្វល់ខ្វាយប្រពន្ធនិងកូនៗព្រោះនៅសមរភូមិក្រោយមានការយកចិត្តទុកដាក់ពីសំណាក់អាជ្ញាធរគ្រប់លំដាប់ថ្នាក់។

ចំណែកលោកភោគ សាវុធអភិបាលស្រុកកងមាសវិញបញ្ជាក់ថា
ស្ត្រីជាប្រពន្ធវីរៈយុទ្ធជនជួរមុខរូបនេះសព្វថ្ងៃកំពុងតែរស់នៅជាមួយនឹងម្ដាយនៅក្នុងឃុំរាយប៉ាយ ស្រុកកងមាស ដែលមានជីវភាពជួបការលំបាក។ជាមួយនោះអាជ្ញាធរស្រុកក៏បានធ្វើបានក្រីក្រ១ ជូនដល់ប្រពន្ធដោយទទួលបានប្រាក់ឧបត្ថម្ភរាល់ខែពីរាជរដ្ឋាភិបាល។
ចំពោះម៉ូតូនិងផ្ទះមួយខ្នងនេះគឺមានការស្នើសុំពីវីរៈយុទ្ធជនជួរមុខ ដែលកំពុងប្រចាំការនៅខេត្តព្រះវិហារហើយត្រូវបានឯកឧត្តមអបាសខេត្តរួមទាំងឧបនាយករដ្ឋមន្ត្រីយកចិត្តទុកដាក់និងបានបំពេញតាមសំណូមពរ ធ្វើយ៉ាងណាឱ្យគ្រួសារមួយនេះមានផ្ទះស្នាក់នៅសមរម្យដូចជាគេឯងនៅក្នុងភូមិ ៕ រក្សាសិទ្ធដោយ៖ភ្នំប្រុសភ្នំស្រី

×