ក្នុងអំឡុងពេលត្រឹមតែ ២៥០milisecond ស្លាបរបស់ Quad-Morphing អាចបន្ថយបាន ៤៨% ហើយរំលងផុតពីឧបសគ្គ ឬលំហតូចចង្អៀត រួចបន្ទាប់មកវាវិលត្រឡប់មកសភាពដើមវិញ ។
Quad-Morphing , Drone ដំបូងដែលអាចហោះហើរគេចពីឧបសគ្គដោយ “ខ្លួនឯង” ។
បច្ចេកវិទ្យារីកចម្រើនបច្ចុប្បន្ននេះ ធ្វើឲ្យ UAV ជំនាន់ថ្មីៗមានច្រើនសណ្ឋាន ទំហំ កម្លាំងម៉ាស៊ីនពីមធ្យមដល់តូច គេហៅថា Drone ចំណែកខ្នាតធំគេហៅថា UAV ។
មុខងាររបស់ UAV/Drone ត្រូវបានបង្កើនបន្ថែមតាំពីយោធា ស្រាវជ្រាវវិទ្យាសាស្ត្រ ទូរទស្សន៍ កុន កសិកម្ម ពាណិជ្ជកម្ម កម្សាន្ត… ។
ប៉ុន្តែ Drone ត្រូវបញ្ជាពីចម្ងាយ ហើយពុំអាចហោះហើរ ដោយខ្លួនទាមទារឲ្យមានការបញ្ជូន ដើម្បីក្រវែលគេចពីឧបសគ្គ ។
Quad-Morphing អាចស្វ័យហោះហើរគេចចេញពីឧបសគ្គបាន ។
ផ្តើមចេញពីការសង្កេតមើលរក្សាបក្សីហោះហើរ ដែលវាអាចសម្រួលស្លាបក្នុង១ប៉ប្រិចភ្នែក ពុំបាន១វិនាទីផងដើម្បីបញ្ចៀសពីការបុកប៉ះមែកឈើ ឬចលនាឆ្លងកាត់តំបន់មានឧបសគ្គច្រើន។ ក្រុមអ្នកវិទ្យាសាស្ត្រនៅ Institut des Sciences du Mouvement បារាំង សហការជាមួយសកលវិទ្យាល័យ Aix-Marseille បានសិក្សាលំនាំនៃសត្វស្លាប មកអនុវត្តបង្កើតឡើង Quad- Morphing នឹងរួមបាន៤៨% ដើម្បីចៀសពីឧបសគ្គ បើកបរចូលលំហចង្អៀត រួចវាវិលមកសភាពដើមវិញ ។
តាមបណ្ឌិត Spephane Viollet បច្ចុប្បន្នប្រព័ន្ធថតរូបចលនា 3D រួមមាន ១៧ កាមេរ៉ា អាចជួយកំណត់ទីតាំងរបស់ Quad-Morphing ហើយណែនាំការបិទ-បើក ប្រព័ន្ធថតរូប ។
Quad-Morphing ធ្វើដំណើរ ស្ទាបស្ទង់ សង្គ្រោះល្អណាស់ នៅស៊េរីក្រោយ គេនឹងភ្ជាប់កាមេរ៉ា ល្បឿនលឿន (១២០រូប/វិនាទី) ដើម្បីវាអាចគណនាដឹងថា ឧបសគ្គនេះរំលងផុតដែរឬទេ ដើម្បីវាចលនាបង្រួបស្លាប ៕ ចន្ទ្រា
