ភ្នំពេញ ៖ អគ្គនាយកដ្ឋានអត្តសញ្ញាណកម្ម បានឲ្យដឹងថា ដើម្បីធានាថាការផ្តល់សេវាអត្តសញ្ញាណបណ្ណសញ្ជាតិខ្មែរ និងលិខិតឆ្លងដែន ជូនដល់ប្រជាពលរដ្ឋមានភាពសមធម៌ ស្មើភាព និងគោរពតាមសិទ្ធិសាសនា និងប្រពៃណីរបស់សហគមន៍ ប្រជាពលរដ្ឋ ខ្មែរឥស្លាម ត្រូវបានអនុញ្ញាតឱ្យ ថតរូបសម្រាប់ចុះបញ្ជីអត្តសញ្ញាណបណ្ណសញ្ជាតិខ្មែរ ដោយមិនចាំបាច់ដោះកន្សែងគ្របក្បាលចេញ។
មន្ត្រីទទួលបន្ទុកផ្តល់សេវា ត្រូវប្រកាន់ខ្ជាប់នូវការណែនាំខាងក្រោម៖
១-បម្រើសេវាដោយមានការគោរពសិទ្ធិ និងសាសនា។
២-មិនតម្រូវឱ្យបងប្អូនខ្មែរឥស្លាម ដោះកន្សែងដែលគ្របក្បាល សម្រាប់ការស្នើសុំផ្តល់អត្តសញ្ញាណបណ្ណសញ្ជាតិខ្មែរ និងលិខិតឆ្លងដែន។
៣-ត្រូវថតរូបឱ្យបានច្បាស់លាស់ ឃើញផ្ទៃមុខត្រឹមត្រូវ គ្រប់គ្រាន់សម្រាប់ការបញ្ជាក់អត្តសញ្ញាណ។
សូមមន្ត្រីផ្តល់សេវា អនុវត្តតាមការណែនាំប្រកបដោយស្មារតីទទួលខុសត្រូវខ្ពស់៕ រក្សាសិទ្ធដោយ៖សុទ្ធលី
