ព្រោះតែ​ភ្ញៀវ​ប្រទះ​ឃើញ​កណ្តុរ​ក្នុង​ឆ្នាំង​ស៊ុប បាន​ធ្វើឲ្យ​ក្រុមហ៊ុន​ភោជនីយដ្ឋាន​នេះ ខាត​បង់អស់​… ១៩០​លាន​ដុល្លារ​

​​​ប្រភពពី BBC ឲ្យដឹងថា ក្រុមហ៊ុន​ភោជនីយដ្ឋាន Xiabu Xiabu នៅ​ក្រុង Weifang ខេត្ត Shandong បាន​ខាតបង់​អស់​ប្រមាណ ១៩០​លាន​ដុល្លារ ព្រោះតែ​តម្លៃ​ភាគហ៊ុន​លើ​ទីផ្សារ​ធ្លាក់​គំហុក ក្រោយ​ភ្ញៀវ​បរិភោគ​ស៊ុប​ប្រទះឃើញ​… ខ្មោច​កណ្តុរ (cen.com.kh ចេញផ្សាយ​ម្សិលម៉ិញ​) ។​

កណ្តុរ​ងាប់​យកចេញ​ពី​ឆ្នាំង​ស៊ុប​នៃ​ហាង Xiabu Xiabu នៃ​ទីក្រុង Weifnang ខេត្ត Shandong កាលពី​ថ្ងៃ​ទី ៦ ខែ​កញ្ញា ។​

​មូលហេតុ​គឺ​ភ្ញៀវ​១​ក្រុម កាលពី​ថ្ងៃ​ទី ៦ ខែ​កញ្ញា បាន​ចូល​ហូប​ស៊ុប​ក្នុងនោះ មាន​ស្ត្រី​មាន​ផ្ទៃពោះ​ម្នាក់ ក៏​ប្រទះឃើញ​ក្នុង​ស៊ុប​មាន​កណ្តុ​រងាប់​១​ក្បាល ។ ម្ចាស់​ហាង​បានធ្វើការ​សងជំងឺចិត្ត ៥.០០០​យាន់ (៧៣០ USD) តែ​ត្រូវ​ស្វាមី​របស់​នារី​មាន​ផ្ទៃពោះ​បដិសេធ ដោយ​គាត់​ចង់ឲ្យ​ទៅ​មន្ទីរពេទ្យ​ពិនិត្យ​សុខ​ភាពសិន​។ ស្រាប់តែ​មេការ​នៅ​ភោជនីយដ្ឋាន បាន​ពោល​ថា ៖ យក ២០.០០០​យាន់​ទៅ ហើយ​ចាំបាច់​រំលូតកូន​នោះ​…​ចេញ​ប្រសិនបើ​ខ្លាច​! ។​

​ក្រោយមក​តាមរយៈ​រូបភាព​នឹង​បណ្តឹង​របស់​បុរស​ជា​ស្វាមី គេ​បាន​បិទ​ហាង Xiabu Xiabu ជា​បណ្តោះអាសន្ន​នៅ Shandong .

​កណ្តុរ​ងាប់​បាន​ត្រូវ​យក​ចេញ​មក​ដាក់​លើ​ចាន ។​

​អ្នកលេង​បណ្តាញ​សង្គម​ក៏​ចាប់ផ្តើម​វាយប្រហារ​យ៉ាង​ខ្លាំងក្លា បង្ខំ​ឲ្យ​រដ្ឋអំណា​ចក្រុង Weifang បើក​ការស៊ើបអង្កេត ហើយ​ជា​បឋម​ត្រូវ​បិទទ្វារ​ហាង​នោះ​សិន ។​

​គ្រាន់តែ​ដឹងថា Xiabu Xiabu ជា​បណ្តា​ភោជនីយដ្ឋាន​ដ៏​ធំ​មួយ មាន​សាខា​នៅ​គ្រប់កន្លែង​នា​ប្រទេស​ចិន ហើយក៏​បាន​ឡើង​ទីផ្សារ​ហ៊ុន ។ ក្រោយ​ហេតុការណ៍​នេះ តម្លៃ​ហ៊ុន​របស់​វា​បាន​ធ្លាក់​គំហុក បាត់បង់​អស់ ១៩០​លាន​ដុល្លារ​ភ្លាម ៕​ ចន្ទ្រា