នៅថ្ងៃទី១៤ខែកញ្ញាម្សិលមិញយោធាជើងទឹកកូរ៉េខាងត្បូងបានរៀបចំពិធីដាក់ឱ្យនាវាមុជទឹកផលិតដោយខ្លួនឯងចេញប្រតិបត្តិការជួយបង្កើនដល់កិច្ចការពារប្រទេសនៅក្រោមទឹក។
នាវាមុជទឹកប្រើប្រាស់ថាមពលអគ្គិសនី-ម៉ាស៊ុតថ្មីរបស់កូរ៉េខាងត្បូងឈ្មោះ Dosan Ahn Chang-ho មានបណ្ដោយ៨៣,៣ម៉ែត្រ ទទឹង៩,៦ម៉ែត្រ កម្រិតជ្រែកទឹក៣០០០តោន ល្បឿនអតិបរមាជាង៣៧គីឡូម៉ែត្រក្នុង១ម៉ោង អាចដឹកបាននាវិក៥០នាក់។ នាវាមុជទឹកនេះត្រូវបានបំពាក់បំពង់បង្ហោះចំនួន៦ ដែលអាចបាញ់បង្ហោះបានកាំជ្រួចអន្តរទ្វីប, កាំជ្រួចមានកម្មវិធីនាំផ្លូវ ហើយអាចប្រតិបត្តិការ២០ថ្ងៃទើបអាចត្រូវការឡើងលើផ្ទៃទឹកម្ដង។
យោធាជើងទឹកកូរ៉េខាងត្បូងប្រកាសថា នេះគឺជាប្រភេទអាវុធយុទ្ធសាស្រ្ដជាតិ មានសមត្ថភាពប្រឈមរាល់ការគំរាមកំហែង ហើយវាជួយបង្កើនសមត្ថភាពការពារប្រទេសរបស់យោធាជើងទឹក។
នេះគឺជានាវាដំបូងក្នុងគ្រោងការណ៍ផលិតនាវាមុជទឹក៩គ្រឿងរបស់ប្រទេសនេះ ដែលចំណាយទុនវិនិយោគអស់ 3.330លាន won ប្រមាណ២,៩៧ពាន់លានដុល្លារ ត្រូវបានគេចាប់ផ្ដើមផលិតពីឆ្នាំ២០០៧ ហើយនឹងបញ្ចប់នៅឆ្នាំ២០២៣ ។
កងទ័ពជើងទឹកកូរ៉េខាងត្បូងមាននាវាមុជទឹក១៨គ្រឿង ភាគច្រើនជាំនាវាថ្មី ក្នុងពេលនោះដែរកូរ៉េខាងជើងមាននាវា គ្រប់ប្រភេទប្រមាណ៧០គ្រឿង តែភាគច្រើនជារបស់ចាស់ ហើយប្រទេសនេះទើបចាប់អភិវឌ្ឍន៍ប្រភេទនាវាមុជទឹកប្រភេទ ២៥០០តោន៕
សូយន