ទីក្រុងញូវយ៉ក សហរដ្ឋអាម៉េរិក ៖ ក្រសួងការបរទេសសហរដ្ឋអាម៉េរិក ផ្តួចផ្តើមនិងរៀបចំកិច្ចប្រជុំ ១+៣ ដែលជាកិច្ចប្រជុំដឹកនាំដោយអនុរដ្ឋមន្ត្រីការបរទេសអាម៉េរិក និងមានការចូលរួមពីរដ្ឋមន្ត្រីការបរទេសកម្ពុជា ម៉ាឡេស៊ី និងថៃ ក្នុងគោលបំណងបញ្ជាក់ឡើងវិញនូវការប្តេជ្ញាចិត្តរួម ក្នុងការដោះស្រាយជម្លោះព្រំដែនដោយសន្តិវិធី។
បើតាមការបញ្ជាក់ពីក្រសួងការបរទេសកម្ពុជា នៅព្រឹកថ្ងៃទី២៧ ខែកញ្ញា នេះ កិច្ចប្រជុំបានប្រព្រឹត្តនៅទីក្រុងញូវយ៉ក សហរដ្ឋអាម៉េរិក កាលរសៀលថ្ងៃទី២៦ ខែកញ្ញា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញចូលរួមកិច្ចប្រជុំ ១+៣ (អនុរដ្ឋមន្ត្រីការបរទេសអាម៉េរិក និងរដ្ឋមន្ត្រីការបរទេសកម្ពុជា ម៉ាឡេស៊ី និងថៃ) ដែលផ្តួចផ្តើម និងរៀបចំដោយក្រសួងការបរទេសសហរដ្ឋអាម៉េរិក ក្នុងគោលបំណងបញ្ជាក់ឡើងវិញនូវការប្តេជ្ញាចិត្តរួម ក្នុងការដោះស្រាយជម្លោះព្រំដែនដោយសន្តិវិធី តាមរយៈការស្តារឡើងវិញនូវទំនុកចិត្ត ឆ្ពោះទៅប្រក្រតីភាពឡើងវិញ ដើម្បីផលប្រយោជន៍រួមសម្រាប់ប្រទេសនិងប្រជាជនទាំងពីរ៕ រក្សាសិទ្ធដោយ៖សុទ្ធលី
