ភ្នំពេញ ៖ សមត្ថកិច្ចចម្រុះ រួមមានមន្រ្តីគយចល័តតំបន់១ , មន្ត្រី ក.ប.ប ក្រសួងពាណិជ្ជកម្ម មន្រ្តីនគរបាលសេដ្ឋកិច្ចស្នងការដ្ឋាននគរបាលរាជធានីភ្នំពេញ រួមទាំងមន្ត្រីមូលដ្ឋាន បានចុះត្រួតពិនិត្យសាច់ក្លាសេ របស់ ឧកញ៉ា អ៉ឹម សុផាន់ណារឹទ្ធ ហៅចែទូច ចំនួន ២ទីតាំង នៅសង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ រកឃេីញសាច់ក្លាសេ សរុបចំនួន ៣មុខ សាច់មាន់ សាច់ទា សាច់ជ្រូក សរុបចំនួនជាង ២៤៤តោន, សាច់បង្កកទាំងនេះត្រូវបានគេដឹងច្បាស់ថា នាំចូលពីប្រទេសថៃ ខណៈយោធាថៃកំពុងមានកម្លាំងដើរហ៊ុមព័ទ្ធបន្លាលួស ឈ្លានពានយកទឹកដីកម្ពុជា ដោយសារបានទុនពីឈ្មួញខ្មែរយើងដែលទិញផលិតផលថៃ ឬចិញ្ចឹមពួកថៃ ហើយថៃទុននេះ ទៅទិញកាំភ្លើងទំនើបៗបាញ់ខ្មែរ។
លទ្ធផលពិនិត្យរបស់មន្ត្រីគយចល័តតំបន់ ១ អះអាងក្នុងកំណត់ហេតុថា ទំនិញទាំងអស់បានបង់ពន្ធគ្រប់ចំនួន ។ ដោយឡែក មន្ត្រី ក.ប.ប ដែលជាមន្ត្រីជំនាញពិនិត្យគុណភាព បានបញ្ជាក់ប្រាប់បណ្ដោះអាសន្នថា សាច់ក្លាសេទាំងអស់ គ្មានសារធាតុគីមី ដែលធ្វើឲ្យប៉ះពាល់ដល់សុខភាពទេ ។ ប៉ុន្តែមន្ត្រី ក.ប.ប បានយកសំណាកសាច់ក្លាសេទាំងនោះ ទៅមន្ទីរពិសោធធំដេីម្បីបញ្ជាក់គុណភាពឱ្យច្បាស់លាស់ ត្រូវការពេល ២ថ្ងៃ ទេីបដឹងលទ្ធផល , ការចុះត្រួតពិនិត្យនេះ ធ្វើឡើងបន្ទាប់ពី ឬទាល់តែអ្នកកាសែតក្នុងស្រុកត្មះតិះដៀលខ្លាំងៗ។
ចម្ងល់មន្រ្តីចូលរួម ក្រៅពី មន្ត្រីគយចល័ត និង មន្រ្តី ក.ប.ប , ដូចជា មន្រ្តីពាក់ព័ន្ធដែលបានចូលរួមផ្សេងទៀត គ្មានសិទ្ធិសុំថតចម្លងសន្លឹកពន្ធគយ ដេីម្បីពិនិត្យផ្ទៀងផ្ទាត់ទេ បានត្រឹមមន្ត្រីគយប្រាប់ថា បានបង់ពន្ធគ្រប់ប៉ុណ្ណោះ , មានន័យថា គយ គេប្រាប់យ៉ាងម៉េច គឺយ៉ាងហ្នឹងទៅ។
សមត្ថកិច្ចផ្សេងទៀតដែលចូលរួម បាននិយាយថា ដេីម្បីផ្ដល់ជំនឿជឿជាក់ មន្ត្រីគយចល័ត គួរបង្ហាញក្រដាសពន្ធជាសាធារណៈ ដេីម្បីអោយមហាជនអស់ចិត្ត, ចំណែក ការពិនិត្យគុណភាពសាច់គួរតែមន្រ្តីជំនាញមកពីក្រសួងសុខាភិបាល ឬ វិទ្យាស្ថានប៉ាស្ទ័រ យកសំណាកទៅពិនិត្យ ទេីបយុត្តិធម៌ ។ បេីតាមរយៈមន្ត្រី ក.ប.ប ចុះធ្វើការលើកនេះ ប្រជាពលរដ្ឋគ្មានជំនឿទេ ព្រោះមន្រ្តីទាំងនោះស្និទ្ធស្នាលជាមួយឈ្មួញដូចបងប្អូនទៅហេីយ ។ ជាពិសេស អង្គភាពប្រឆាំងអំពើពុករលួយ គួរបេីកការស៊េីបអង្កេតករណីរសើបនេះ គេចពន្ធគយជាហូរហែរធ្វើឲ្យរដ្ឋបាត់ចំណូលយ៉ាងច្រើន និងសាច់បង្កកអាចខូចគុណភាពប៉ះពាល់ដល់សុខភាពប្រជាពលរដ្ឋ។
ថីមិនមេដឹកនាំថៃ ទាហានថៃ កម្លាំងចម្រុះរបស់ថៃ មានកម្លាំងឈ្លានពានទឹកដីកម្ពុជា បើឈ្មួញខ្មែរយើងក្នុងករណីខាងលើនេះ ចិញ្ចឹមពួកវាតាមរយៈទិញអីវ៉ាន់ ( សាច់បង្កកច្រើនមុខ) នាំចូលមកកម្ពុជា, ជាក់ស្ដែងសាច់បង្កកជាង ២៤៤តោន ដែលសមត្ថកិច្ចឆែករកឃើញថ្ងៃនេះ គឺត្រូវបានគេដឹងច្បាស់ថា នាំចូលពីប្រទេសថៃ, មានន័យថា ពួកថៃទាំងនោះ មានកម្លាំងគោឃ្លើន ដោយសារបានទុនពីឈ្មួញខ្មែរយើងដែលទិញផលិតផលថៃ ឬចិញ្ចឹមពួកថៃ ហើយពួកថៃ យកទុនដែលខ្មែរយើងខំចិញ្ចឹមនេះ ទៅទិញសព្វាវុធទំនើបៗបាញ់ខ្មែរ។
រឿងមួយទៀត ក្នុងករណីរសើបល្មើសបែបនេះ បើថា កាសែតក្នុងស្រុកល្មមៗផ្សាយវិញ សុទ្ធតែគេផ្សាយមិនពិត បំភ្លៃបំផ្លើស , ទាល់តែផ្សាយដាក់ឲ្យចំកៅឪបែបនេះទើបភ្លឺភ្នែក… សុំសួរយ៉ាងខ្លីថា សាច់បង្កកដែលទុកយូរបែបនេះ តើមានគុណភាពដែរទេ ?! សាច់បង្កកដែលទុកយូរបែបនេះ តើអាចមិនដាក់សារធាតុរក្សាអាយុកាលដែរទេ ?!៕ រក្សាសិទ្ធដោយ៖ពិសិដ្ឋ CEN
