ភ្នំពេញ ៖ បុរសក្លាហាន ខឹងនារីប្រកបរបរម៉ាស្សាម្នាក់ មិនព្រមចេញក្រៅទៅជាមួយខ្លួន ក៏វាយទាត់ធាក់ រួចហើយរត់គេចខ្លួន ដែលហេតុការណ៍នេះកើតឡើង នៅចំណុចផ្លូវបេតុង ភូមិត្រពាំងជ្រៃ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ប៉ុន្តែ ពេលនេះ នៅរសៀលថ្ងៃទី១៤ ខែវិច្ឆិកា ឆ្នាំ២០២៥ ត្រូវបានកម្លាំងអធិការដ្ឋាននគរបាលខណ្ឌពោធិ៍សែនជ័យ ធ្វើការឃាត់ខ្លួនយ៉ាងស្រួល ព្រោះជនដៃដល់ចូលខ្លួនមកដល់ស្រាយ ហើយសមត្ថកិច្ច ក៏បានកោះហៅនារីរងគ្រោះឲ្យចូលខ្លួនដោះស្រាយដែរ , បន្ទាប់មក គឺជនដៃដល់អស់ ១ ២០០ដុល្លារ របូតចេញពីខ្លួនយ៉ាងស្រួល គឺនាងរងគ្រោះជាអ្នកទាមទារសំណង់ជំងឺចិត្ត ហើយបុរសក្លាហាននោះក៏យល់ព្រម បើមិនដូច្នេះទេ ទៅគុក។
បុរសជាជនដៃដល់ ឈ្មោះ មាឃ ម៉ារ៉ាឌី មមុខរបរជាម្ចាស់យានដ្ឋាន និងជាជាងជួសជុសរថយន្ត មានទីលំនៅផ្ទះលេខ១៣ ផ្លូវរទេះភ្លេីង ភូមិកាកាប សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ប្រព្រឹត្តល្មើស កាលពីថ្ងៃទី២៣ ខែតុលា ឆ្នាំ២០២៥ នៅចំណុចហាងម៉ាស្សា-កោសជប់ ផ្លូវរទេះភ្លេីង ភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ។
តាមមន្ត្រីនគរបាល បានឱ្យដឹងថា ជនដៃដល់រូបនេះ ត្រូវបានសមត្ថកិច្ចឃាត់ខ្លួននៅវេលាម៉ោង ៣និង៤៥នាទីរសៀលថ្ងៃទី១៤ ខែវិច្ឆិកា ឆ្នាំ២០២៥ បន្ទាប់ពីចូលខ្លួនទៅដោះស្រាយសម្របសម្រួលសងជំងឺចិត្តទៅនារីរងគ្រោះ។ តាមព័ត៌មានឱ្យដឹងថា ក្នុងការសម្របសម្រួលនារីរងគ្រោះបានទារជំងឺចិត្ត ៣០០០ដុល្លារ និងដោយមានការសម្របសម្រួលគ្នា ទើបត្រូវរ៉ូវ ១ ២០០ដុល្លារ។
គួរបញ្ជាក់ឡើងវិញថា នារីម៉ាស្សាម្នាក់នេះ ត្រូវបានជនដៃដល់វាយទាត់ធាត់ បន្ទាប់ពីទៅរកសេវាផ្លូវភេទនៅក្នុងហាងម៉ាស្យា-កោសជប់, ប៉ុន្តែបុរសនេះបានបបួលនាងឲ្យចេញទៅក្រៅ នាងពុំព្រមទៅ ក៏ផ្ទុះហិង្សាតែម្ដង, អំពើហិង្សានេះ ក៏បានបែកធ្លាយវីដេអូ ពីសកមភាពព្រៃផ្សៃ កាលពីវេលាម៉ោង ១១យប់ ថ្ងៃទី១៣ ខែវិច្ឆិកា បន្ទាប់ពីស្ត្រីរងគ្រោះ បានប្ដឹងសមត្ថកិច្ចប៉ុស្តិ៍ ជិត១ខែមកហើយ គ្មានចំណាត់ការ ក៏ដាច់ចិត្តហៅអ្នកព័ត៌មាន ទៅឡាយដល់ហាងម៉ាស្យា-កោសជប់ តែម្តង ទើបមានការអន្តរាគមន៍ផ្នែកច្បាប់… យី… ដូចគេឆ្ងៀលចន្លុះ ?! ៕ រក្សាសិទ្ធដោយ៖ពិសិដ្ឋ CEN
