ភ្នំពេញ ៖ អ្នកនាំពាក្យសាលាដំបូង និងអយ្យការអមសាលាដំបូងរាជធានីភ្នំពេញ នៅថ្ងៃទី២៨ ខែវិច្ឆិកាឆ្នាំ២០២៥
សូមជម្រាបជូនភាគី និង សាធារណជនជ្រាបថា៖ យោងកិច្ចប្រជុំរបស់ក្រុមការងារចាត់ការ និងដោះស្រាយសំណុំរឿងពាក់ព័ន្ធនឹងក្រុមហ៊ុន ពិភពដីមាស ដោយបានដឹកនាំកិច្ចប្រជុំដោយ ឯកឧត្តម ទួន ណារ៉ា ប្រធានសាលាដំបូងរាជធានីភ្នំពេញ និង ឯកឧត្តម ប្រឹង ខ្មៅ ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ បានពិនិត្យចំណាត់ការសំណុំរឿង ទទួលបានវឌ្ឍនភាពដូចខាងក្រោម៖
- សំណុំរឿងព្រហ្មទណ្ឌ
១.ចំណាត់ការសំណុំរឿងជំនុំជម្រះ ចំនួន ៥រឿង ចៅក្រមជំនុំជម្រះបានកំណត់កាលបរិច្ឆេទសវនាការ ដូចខាងក្រោម៖
សំណុំរឿងព្រហ្មទណ្ឌលេខ ៤៧២៨ ចុះថ្ងៃទី២៨ ខែសីហា ឆ្នាំ២០២៣ ពីបទ ឆបោកមានស្ថាន ទម្ងន់ទោសជាក្រុមមានការចាត់តាំង ដែលមានជនជាប់ចោទចំនួន ៧នាក់ ដែលមានដើមបណ្ដឹង រដ្ឋប្បវេណីឈ្មោះ ថាន់ អូន ជាអ្នកតំណាងឱ្យជនរងគ្រោះចំនួន ១៥គ្រួសារ។
សំណុំរឿងព្រហ្មទណ្ឌលេខ ៤១៤៦ ចុះថ្ងៃទី២ ខែសីហា ឆ្នាំ២០២៣ ពីបទ ឆបោកមានស្ថានទម្ងន់ ទោសជាក្រុមមានការចាត់តាំង ដែលមានជនជាប់ចោទចំនួន ៧នាក់ ដែលមានដើមបណ្តឹងរដ្ឋប្បវេណី ឈ្មោះ ហ៊ាង ឈឹម។
សំណុំរឿងព្រហ្មទណ្ឌលេខ ៣៨៧០ ចុះថ្ងៃទី១៧ ខែកក្កដា ឆ្នាំ២០២៣ ពីបទ ឆបោកមានស្ថាន ទម្ងន់ទោសជាក្រុមមានការចាត់តាំង ដែលមានជនជាប់ចោទចំនួន ៧នាក់ ដែលមានដើមបណ្ដឹង រដ្ឋប្បវេណីឈ្មោះ សោម ចន្ទ្រា និងឈ្មោះ សេង គង់។
សំណុំរឿងទាំងបីខាងលើនេះ ចៅក្រមកំណត់កាលបរិច្ឆេទសវនាការនៅថ្ងៃទី១៦ ខែធ្នូ ឆ្នាំ២០២៥។
សំណុំរឿងព្រហ្មទណ្ឌលេខ ៤២៨៩ ចុះថ្ងៃទី៨ ខែសីហា ឆ្នាំ២០២៣ ពីបទ ឆបោកមានស្ថាន ទម្ងន់ទោស លើជនជាប់ចោទចំនួន ១៩នាក់ និងពីបទ ហិង្សាដោយចេតនាមានស្ថានទម្ងន់ទោស លើជនជាប់ចោទចំនួន ៥នាក់ ដែលមានដើមបណ្តឹងរដ្ឋប្បវេណីចំនួន ៤៣នាក់ ជាអ្នកតំណាងឱ្យ ជនរងគ្រោះចំនួន ១០៩៤គ្រួសារ។
សំណុំរឿងខាងលើនេះ ចៅក្រមកំណត់កាលបរិច្ឆេទសវនាការថ្ងៃទី៣០ ខែធ្នូ ឆ្នាំ២០២៥។
សំណុំរឿងព្រហ្មទណ្ឌលេខ ៤៧៣៦ ចុះថ្ងៃទី២៨ ខែសីហា ឆ្នាំ២០២៣ ពីបទ ឆបោកមានស្ថាន ទម្ងន់ទោស ដែលមានជនជាប់ចោទចំនួន ៧នាក់ ដែលមានដើមបណ្ដឹងឈ្មោះ ឃុន សោភា ជា អ្នកតំណាងឱ្យជនរងគ្រោះចំនួន ២៣គ្រួសារ។
សំណុំរឿងខាងលើនេះ ចៅក្រមកំណត់កាលបរិច្ឆេទសវនាការថ្ងៃទី១២ ខែមករា ឆ្នាំ២០២៦។
២.ចំណាត់ការសំណុំរឿងស៊ើបសួរ ចំនួន ២០រឿង ចៅក្រមស៊ើបសួរបានពិនិត្យបញ្ចូលសំណុំរឿង មួយចំនួន ដើម្បីមានភាពងាយស្រួល និងពន្លឿនក្នុងចំណាត់ការសំណុំរឿងដែលនឹងបញ្ចប់កិច្ចស៊ើបសួរក្នុងរយៈពេល ដ៏ខ្លីខាងមុខ។
៣.ចំណែកសំណុំរឿងជំនុំជម្រះចំនួន ៣រឿង ផ្សេងទៀត មានចំណាត់ការដូចខាងក្រោម៖
សំណុំរឿងព្រហ្មទណ្ឌលេខ ៣៤៥៣ ចុះថ្ងៃទី៣០ ខែឧសភា ឆ្នាំ២០២៤ ពីបទ គំរាមកំហែង ត្រូវបាន ចៅក្រមជំនុំជម្រះ បានចេញសាលក្រមព្រហ្មទណ្ឌលេខ ២៨៣៥ «ង» ចុះថ្ងៃទី៣០ ខែកក្កដា ឆ្នាំ២០២៥ សម្រេចផ្តន្ទាទោសលើជនជាប់ចោទចំនួន ២នាក់។ ពិរុទ្ធជនទាំង ២នាក់នេះ បានប្តឹងឧទ្ធរណ៍ត្រង់ ចំណុចទាំងមូលនៃសាលក្រម។ សំណុំរឿងនេះ បានបញ្ជូនទៅសាលាឧទ្ធរណ៍ ដើម្បីមានចំណាត់ការ តាមនីតិវិធី។
សំណុំរឿងព្រហ្មទណ្ឌលេខ ៧៧៦១ ចុះថ្ងៃទី៣ ខែធ្នូ ឆ្នាំ២០២៤ ពីបទ ប្តឹងបរិហារបង្កាច់កេរ្តិ៍ ដែល មានជនជាប់ចោទឈ្មោះ នាក់ ទី ដែលមានដើមបណ្តឹងរដ្ឋប្បវេណីចំនួន ៤នាក់, ចៅក្រមជំនុំជម្រះបាន កំណត់កាលបរិច្ឆេទសវនាការថ្ងៃទី១៧ ខែធ្នូ ឆ្នាំ២០២៥។
សំណុំរឿងព្រហ្មទណ្ឌលេខ ៧៧៦២ ចុះថ្ងៃទី៣ ខែធ្នូ ឆ្នាំ២០២៤ ពីបទ ប្តឹងបរិហារបង្កាច់កេរ្តិ៍ ដែលមានជនជាប់ចោទឈ្មោះ រឺ សុវណ្ណារិទ្ធ ដែលមានដើមបណ្តឹងរដ្ឋប្បវេណីចំនួន ៣នាក់, ចៅក្រមជំនុំជម្រះ បានកំណត់កាលបរិច្ឆេទសវនាការថ្ងៃទី៩ ខែមករា ឆ្នាំ២០២៦។
II. សំណុំរឿងរដ្ឋប្បវេណី
១.ចំណាត់ការសំណុំរឿងអង្គសេចក្តី ចំនួន ៣រឿង៖
សំណុំរឿងលេខ ៥៥៩ ចុះថ្ងៃទី២០ ខែមីនា ឆ្នាំ២០២៥ ដែលមានដើមចោទឈ្មោះ នូ សុធន, ចែម សុផល និងមានចុងចម្លើយ ក្រុមហ៊ុនពិភពដីមាស អ៊ិនវេសម៉ិន តុលាការបានចេញសាលក្រម លេខ ៩៧៣ ម ចុះថ្ងៃទី២៥ ខែសីហា ឆ្នាំ២០២៥។
សំណុំរឿងលេខ ៩៧៧ ចុះថ្ងៃទី២២ ខែឧសភា ឆ្នាំ២០២៥ ដែលមានដើមចោទឈ្មោះ ខុត ធឿន, ង៉ុយ ថារិន និងចុងចម្លើយឈ្មោះ ហ៊ី គឹមហុង, សាន សុទ្ធាវិន និង ដេង ប៊ុនលីន, តុលាការនឹងបន្ត នីតិវិធីត្រៀមសម្រាប់ការទាញហេតុផលលើកទី៣ នៅថ្ងៃទី១៩ ខែធ្នូ ឆ្នាំ២០២៥។
សំណុំរឿងលេខ ៩៧៨ ចុះថ្ងៃទី២២ ខែឧសភា ឆ្នាំ២០២៥ ដែលមានដើមចោទឈ្មោះ អ៊ុន សុភា, រើន សាល និងចុងចម្លើយឈ្មោះ ហ៊ី គឹមហុង និង សាន សុទ្ធាវីន, តុលាការនឹងបន្តនីតិវិធីសម្រាប់ ការទាញហេតុផលដោយផ្ទាល់មាត់ នៅថ្ងៃទី១៩ ខែធ្នូ ឆ្នាំ២០២៥។
២. សំណុំរឿងរក្សាការពារមានចំនួន ៥រឿង ដែលមានដើមបណ្តឹងសរុបចំនួន ២៣២១នាក់, តុលាការបាន ចេញដីកាសម្រេចរឹបអូស និងឃាត់ទុកដីមួយចំនួនតាមការស្នើសុំរបស់ដើមបណ្តឹងរដ្ឋប្បវេណីដែលជាប្រជាពលរដ្ឋ ដើម្បីធានាក្នុងការអនុវត្តសំណងជូនជនរងគ្រោះនៅពេលក្រោយ។
អ្នកនាំពាក្យសាលាដំបូង និងអយ្យការអមសាលាដំបូងរាជធានីភ្នំពេញ សូមបញ្ជាក់ជូនបន្ថែមថា នៅក្នុង ចំណាត់ការសំណុំរឿងខាងលើនេះ តុលាការត្រូវការពេលវេលាសមរម្យ ដោយសារសំណុំរឿងមានចំនួនច្រើន និង មានលក្ខណៈស្មុគស្មាញ ជាពិសេសជនរងគ្រោះជាដើមបណ្តឹងរដ្ឋប្បវេណីមានច្រើនរយនាក់ តុលាការកំពុងពិនិត្យផ្ទៀងផ្ទាត់អត្តសញ្ញាណជនរងគ្រោះ ដែលជាដើមបណ្តឹងរដ្ឋប្បវេណីឱ្យបានត្រឹមត្រូវ ហើយក៏ដូចជាការពិនិត្យ
ផ្ទៀងផ្ទាត់ឯកសារបញ្ជាក់ការទាមទារសំណងរបស់ដើមបណ្ដឹងម្នាក់ៗផងដែរ។
ចំពោះសំណូមពរផ្សេងទៀតរបស់ប្រជាពលរដ្ឋដែលជាដើមបណ្តឹងរដ្ឋប្បវេណី ក៍ដូចជាចំណាត់ការបន្ត
សំណុំរឿងទាំងនេះ តុលាការនឹងបន្តធ្វើការពិនិត្យចាត់ការឱ្យបានលឿន ត្រឹមត្រូវ និងយុត្តិធម៌ជូនភាគី៕ រក្សាសិទ្ធដោយ៖សុទ្ធលី
