Saturday, November 29, 2025

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

សមត្ថកិច្ចចុះបង្ក្រាបករណី សញ្ចារកម្ម ១កន្លែង ពួនជ្រកក្នុងហាងខារ៉ាអូខេម្លប់លាប នៅស្រុកបារាយណ៍ រំដោះនារីជនរងគ្រោះចំនួន០៨ នាក់

ខេត្តកំពង់ធំ ៖ កម្លាំងនគរបាល ការិយាល័យប្រឆាំងការជូញដូរមនុស្សនិងការពារអនីតិជនចុះបង្ក្រាបករណី”សញ្ចារកម្ម” ដោយបានឃាត់ខ្លួនម្ចាស់ទីតាំង០១នាក់ នឹងបានរំដោះនារីជនរងគ្រោះចំនួន០៨ នាក់ ក្នុងនោះ អនីតិជមានចំនួន០៥ នាក់។

អនុវត្តតាមការចង្អុលដឹកនាំ ដ៏ខ្ពង់ខ្ពស់របស់ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ ក្រោមការបញ្ជាដឹកនាំពីលោកឧត្ដមសេនីយ៍ទោ ហេង សុផល ស្នងការនគរបាលខេត្ត និងដោយមានការសម្របសម្រួលនីតិវិធីពីលោកស្រី ពេជ្រ ម៉ូលី ព្រះរាជអាជ្ញារង នៃអយ្យការអមសាលាដំបូងខេត្តកំពង់ធំ កាលពីថ្ងៃទី ២៧ ខែ វិច្ឆិកា ឆ្នាំ២០២៥ វេលាម៉ោង ១៦ និង ៣៥នាទី លោកស្រីឧត្ដមសេនីយ៍ត្រី កង កូយ ស្នងការរង ផែនការងារប្រឆាំងការជួញដូរមនុស្ស នឹងយេនឌ័រ បានដឹកនាំកម្លាំងការិយាល័យប្រឆាំងការជូញដូរមនុស្ស និងការពារអនីតិជន ចុះបង្ក្រាបករណីសញ្ចារកម្ម ហាងខារ៉ាអូខេមួយកន្លែង ជ្រកក្រោមយីហោ “ម្លប់លាប” ស្ថិតក្នុងភូមិ ដូង ឃុំ បល្ល័ង្ក ស្រុកបារាយណ៍ ខេត្តកំពង់ធំ។

ជាលទ្ធផល នៃកិច្ចប្រតិបត្តិការ លោកស្រីឧត្ដមសេនីយ៍ត្រី កង កូយ ស្នងការរង បានឱ្យដឹងថា សមត្ថកិច្ចជំនាញ បានធ្វេីការឃាត់ខ្លួនជនសង្ស័យម្នាក់ ឈ្មោះ វី សុខឃី ភេទ ប្រុស អាយុ ៤៣ ឆ្នាំ មានទីលំនៅភូមិដូង ឃុំបល្ល័ង្ក ស្រុកបារាយណ៍ ខេត្តកំពង់ធំ ដែលជាម្ចាស់ទីតាំង ព្រមទាំងរំដោះជនរងគ្រោះបានចំនួន ០៨ នាក់ ស្រី អនីតិជន ចំនួន ០៥ នាក់។
ករណីខាងលើនេះ សមត្ថកិច្ចជំនាញ កំពុងកសាងនីតិវិធី ដើម្បីចាត់ការបន្ត តាមផ្លូវច្បាប់ ៕ រក្សាសិទ្ធដោយ៖សុទ្ធលី

×