កម្ពុជា និងថៃ បានបង្ហាញពីឆន្ទៈក្នុងការបន្ធូរបន្ថយភាពតានតឹង និងអនុវត្តបទឈប់បាញ់

ភ្នំពេញ ៖ លោក Guo Jiakun អ្នកនាំពាក្យក្រសួងការបរទេសចិន បានថ្លែងថា នៅថ្ងៃទី១៨ ខែធ្នូ ឆ្នាំ២០២៥ លោក វ៉ាង យី រដ្ឋមន្ត្រីការបរទេស បានជួបសន្ទនាតាមទូរស័ព្ទដាច់ដោយឡែកជាមួយលោក ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេសកម្ពុជា និងលោក ស៊ីហាសាក់ ភួងកេតកែវ រដ្ឋមន្ត្រីការបរទេសថៃ។

ភាគីទាំងពីរកម្ពុជា និងថៃ បានបង្ហាញពីឆន្ទៈក្នុងការបន្ធូរបន្ថយភាពតានតឹង និងអនុវត្តបទឈប់បាញ់។
លោក វ៉ាង យី រដ្ឋមន្ត្រីការបរទេស បានមានប្រសាសន៍ថា លើបញ្ហាព្រំដែនកម្ពុជា-ថៃ ប្រទេសចិនតែងតែតស៊ូមតិដើម្បីការសន្ទនាដោយសន្តិវិធី និងរក្សាជំហរយុត្តិធម៌ និងមិនលំអៀង ខណៈពេលដែលគាំទ្រដល់កិច្ចខិតខំប្រឹងប្រែងសម្របសម្រួលរបស់អាស៊ាន។ បេសកជនពិសេសមួយរូបទទួលបន្ទុកកិច្ចការអាស៊ី មកពីក្រសួងការបរទេសចិន ត្រូវបានបញ្ជូនទៅប្រទេសកម្ពុជា និងថៃ សម្រាប់ការទូតតាមផ្លូវអាកាស។ ប្រទេសចិននឹងបន្តបម្រើជាស្ពាន និងខិតខំប្រឹងប្រែងស្ថាបនា ដើម្បីសម្រួលដល់ការស្តារសន្តិភាពរវាងប្រទេសទាំងពីរ។រក្សាសិទ្ធដោយ៖សុទ្ធលី