ក្រុងព្រះសីហនុ ៖ លោក សរ កក្កដា អភិបាលក្រុងព្រះសីហនុឲ្យដឹងនៅព្រឹកថ្ងៃ៣មករា២០២៦នេះថា អ្នកលក់ដូរតាមឆ្នេរសាធារណៈដែលដាក់តុ កៅអី កន្ទេល អង្រឹង ឬសម្ភារៈផ្សេងៗទុកចោលនៅលើឆ្នេរ ធ្វើឲ្យប៉ះពាល់ដល់ភាពជាសាធារណៈនៃឆ្នេរ និងភ្ញៀវទេសចរណ៍ អាជ្ញាធរក្រុងនឹងបញ្ឈប់មិនឲ្យលក់ដូរនៅទីតាំងនោះបន្តទៀតឡើយ។
លោកអភិបាលក្រុងបញ្ជាក់បន្ថែមថា បងប្អូនអ្នកទេសចរណ៍ដែលឃើញបញ្ហានេះនៅចំណុចណា បងប្អូនអាចធ្វើការណែនាំឲ្យអ្នកលក់ដូរនោះយកចេញនូវ តុ កៅអី កន្ទេល អង្រឹង ដែលទុកចោល(បែបចាប់យកទីតាំង) ដើម្បីឲ្យបងប្អូនអាចប្រើប្រាស់ទីតាំងនោះបានជាសាធារណៈ។ ក្នុងករណីមានការរារាំង ឬទារថ្លៃឈ្នួលទីតាំង សូមទំនាក់ទំនងលេខទូរស័ព្ទ 066 877 877, 016 576 373៕រក្សាសិទ្ធដោយ៖សុទ្ធលី
