Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

តំណែង​តំណាង​គណបក្ស​ទាំងបី ដែល​តំណាង​អោយ​សម្លេង​ប្រជាពលរដ្ឋ​ភាគតិច ដើម្បី​ការពារ​ផលប្រយោជន៍​ប្រជាពលរដ្ឋ​

spot_img

​ភ្នំពេញ​៖ លោក​ផៃ ស៊ីផា​ន អ្នកនាំពាក្យ ទីស្តីការគណៈរដ្ឋមន្ត្រី បាន​សរសេរ​ក្នុងផេក​ហ្វេស​ប៊ុក​ផ្លូវការ​កាលពី​ថ្ងៃ​ទី​២៨​វិច្ឆិកា​នេះ​ថា បណ្ដាញ​អ្នកសារព័ត៌មាន និង​ប្រិយមិត្ត FBFs នៅ​រសៀល​ទី​២៨​វិច្ឆិកា​នេះ គណបក្ស​ទាំង​បី ដែល​តំណាង​អោយ​សម្លេង​ប្រជាពលរដ្ឋ​ភាគតិច បាន​ចូល​ទៅ​កាន់​ព្រះបរមរាជវាំង នៅ​ចំពោះមុខ​ព្រះភ័​ក្រ​ព្រះហាក្សត្រ​ជា​ទី​សក្ការៈ​របស់​ខ្មែរ បាន​ធ្វើ​សច្ចាប្រណិធាន មុននឹង​ចូល​ទៅ​កាន់​តំណែង​តំណាងរាស្ត្រ ការពារ​ផលប្រយោជន៍​ប្រជាពលរដ្ឋ​ភាគតិច​។​

​លោក​បន្តថា ទោះបីជា​គណបក្ស​ទាំង​បី​នេះ មិន​ទទួលបាន​សន្លឹកឆ្នោត​គ្រប់​គ្រាន់ដើ​ម្បី​អាសនៈ​នីមួយៗ​ក៏ដោយ ក៏​គេ​ទទួលបាន​សម្លេង​ពី​ប្រជាពលរដ្ឋ​ដែល​មិនមែន​ជា​អ្នកគាំទ្រ CPP និង​ពេល​នេះ គឺ​តាម​អំណាចច្បាប់​។​

​របត់​នយោបាយ​មួយ​ដែល​ទទួលបាន​នូវ​កិច្ចពង្រឹង​សក្កា​នុព​ល​ភាព​នៃ​សម្លេង​ភាគតិច​នៅក្នុង​រដ្ឋសភា​។ ឆន្ទៈ​របស់​ប្រជាពលរដ្ឋ​ភាគតិច​ត្រូវបាន​ជាន់ឈ្លី និង​បោះបង់​ចោល​កាតព្វកិច្ច និង​ការទទួលខុសត្រូវ​របស់​CNRP ទៅ​ក្នុង​តួនាទី​ជា​អ្នកតំណាងរាស្ត្រ សម្លេង​ភាគតិច​នៅក្នុង​សភា កាលពី​អតីតកាល​។ ផ្ទុយទៅវិញ​គេ​តែងតែ គៀងគរ​បរទេស​អោយមក​លុកលុយ ប្រឆាំង និង​រាជរដ្ឋាភិបាល ប្រជាពលរដ្ឋ ពាណិជ្ជករ កម្មករ ក៏ដូចជា ដែន​អធិតេ​យ្យ និង​ឯករាជ្យ​ជាតិ​។​សកម្មភាព​ទាំងអស់​នោះ ដែល​បាន​ប្រព្រឹត្តិ​គឺ​ផ្ទុយ​ពី​មាត្រា​៤៩ នៃ​រដ្ឋធម្មនុញ្ញ​ដែល​បានចែង​ថា ប្រជា​ពលរដ្ឋ​ខ្មែរ​គ្រប់រូប​ត្រូវ​គោរព​រដ្ឋធម្មនុញ្ញ​និង គោរព​ច្បាប់​។ ប្រជា​ពលរដ្ឋ​គ្រប់រូប​មាន​កាតព្វកិច្ច​រួមចំណែក​កសាង​ប្រទេសជាតិ និង​ការពារ​មាតុភូមិ​។​កាតព្វកិច្ច​ការពារ​មាតុភូមិ​ត្រូវអនុវត្ត​តាម​បញ្ញត្តិ​ច្បាប់​។ សូម រំលឹក​ផង​ដែរ​ថា សិទ្ធិ​នយោបាយ​ដែល​ជា​សេរីភាព​របស់​ប្រជាពលរដ្ឋ​ត្រូវបាន​ធានា​ក្រៅពី​មន្ត្រី CNRP ចំនួន​១១៨ នាក់ ដែល​ហាម​រាល់​សកម្មភាព​នយោបាយ​ក្នុង​រយៈពេល​៥​ឆ្នាំ គឺ​គេ​ទាំងអស់នោះ មាន​សិទ្ធិ​ចូលរួម​ជីវភាព នយោបាយ​ជាមួយ​នឹង​CPP ឬ​មួយ​គណបក្ស​ដ៏​ទៃ​ទៀត ឬក៏​អាច​បង្កើត​គណបក្ស​ថ្មី​របស់​ខ្លួន​បាន​។ ថ្ងៃនេះ​ជា​ការ​រស់​ឡើងវិញ​នៃ​សម្លេង និង​ឆន្ទៈ របស់​ប្រជាពលរដ្ឋ​ភាគតិច​ក្នុង​ការចូលរួមចំណែក​ការកសាង​ប្រទេសជាតិ និង​ការពារ​មាតុភូមិ​ក៏ដូចជា​ឯករាជ្យភាព និង​អធិបតេយ្យភាព​ជាតិ​ផងដែរ​។

សូម​រំលឹក​ផង​ដែរ​ថា​ក្រុម​ភាគច្រើន​នៅក្នុង​រដ្ឋសភា គឺ​ទទួល បាន​សិទ្ធិ និង​អាណត្តិ ក្នុង​ការដឹកនាំ ការធ្វើ ច្បាប់ និង​ការធ្វើ​វិសោធនកម្ម​ច្បាប់​។​

ជោគវាសនា​របស់​ប្រជាពលរដ្ឋ​ភាគតិច​គឺ​ស្ថិត​នៅក្នុង​កណ្ដាប់ដៃ​របស់​គណបក្ស​តំណាង​ភាគតិច​នៅ​ក្នុង​រដ្ឋសភា​គឺ​មិន​ពឹងផ្អែក​ទៅលើ​បរទេស​នោះឡើយ​៕ ដោយ​៖​កូឡាប​

 

spot_img
×