ភ្នំពេញ ៖ កម្លាំងជំនាញកងរាជអាវុធហត្ថខណ្ឌជ្រោយចង្វារ បានធ្វើការឃាត់ខ្លួនជនសង្ស័យ២នាក់ពាក់ព័ន្ធករណីគាស់ផ្ទះវេលុយវីង នៅចំណុចផ្លូវជាតិលេខ៦ ភូមិខ្ទរ សង្កាត់ព្រែកលៀប ខណ្ឌជ្រោយចង្វា ដែលប្រព្រឹត្ត កាលពីវេលាម៉ោង១ និង៤៣នាទី រំលងអធ្រាត្រថ្ងៃទី២៤ ខែកញ្ញា ឆ្នាំ២០១៨។
កងរាជអាវុធហត្ថខណ្ឌជ្រោយចង្វា បានឲ្យដឹងថា ជនសង្ស័យឈ្មោះ ១. ទូច កែវ ភេទប្រុស អាយុ១៨ឆ្នាំ មុខរបរមិនពិតប្រាកដទីលំនៅភូមិខ្ទរ សង្កាត់ព្រែកលៀប ខណ្ឌជ្រោយចង្វា ។ ២. ចិត្រ ពេជ្រ ភេទប្រុស អាយុ២០ឆ្នាំ មុខរបរមិនពិតប្រាកដ ទីលំនៅភូមិខ្ទរ សង្កាត់ព្រែកលៀប ខណ្ឌជ្រោយចង្វា ។ វត្ថុតាងចាប់យករួមមាន ម៉ាស៊ីនវេលុយវីងចំនួន២គ្រឿង ក្រដាស់ព្រីនម៉ាស៊ីនវេលុយវីងចំនួន៨ដុំធំ ៧ដុំតូច ទូរស័ព្ទ១គ្រឿង ស៊ីមកាតប្រព័ន្ធស៊ីថែលចំនួន១ដុំ (៣៦ស៊ីម) សោផ្ទះមួយចង្កោមនាឡិកាដៃចំនួន២ កាតគណនីវីងចំនួន២ សៀវភៅធនាគាហត្ថាកសិករចំនួន១ ត្រាចំនួន១ សំលៀកបំពាក់មួយចំនួន កាបូបលុយចំនួន១ម្សៅក្រាមសថ្លា១កញ្ចប់តូច សម្ភារៈសម្រាប់ជក់មួយចំនួន។ បច្ចុប្បន្នកំពុងកសាងសំណុំរឿង បញ្ជូនជនសង្ស័យ និងវត្ថុតាង ទៅការិយាល័យព្រហ្មទណ្ឌអាវុធហត្ថរាជធានីភ្នំពេញ ដើម្បីចាត់ការតាមនីតិវិធីបន្ត៕ ដោយ ៖ កូឡាប
