នំបញ្ចុកជាអាហារទូទៅរបស់ប្រជាជនខ្មែរយើង រហូតដល់មានកត់ត្រាទុកក្នុងរឿងធនជ័យទៀតផង ។ ហេតុនេះដើម្បីឲ្យប្រាកដក្នុងចិត្តថាវាល្អ គ្មានសារធាតុគីមីទេនោះ យើងអាចដកស្រង់បទពិសោធន៍របស់ជនជាតិវៀតណាម ដែលគេក៏និយមមុខចំណីធ្វើពីនំបញ្ចុកដែរ ។
សូមអនុញ្ញាតបកប្រែ Clip ណែនាំពីការពិនិត្យមើលនំបញ្ចុក ដោយប្រើតែទឹកត្រី១ចាន អាចដឹងបានហើយ។
ដំបូងឡើយគេរៀបរាប់ពីអាហារ និងរបៀបធ្វើនំបញ្ចុកធម្មតា ។ គេពន្យល់ថា ដើម្បីផលិតបាននំបញ្ចុកបែបធម្មជាតិសុទ្ធសាធ គេត្រូវចំណាយពេលពី ៣-៥ថ្ងៃ ។ ប៉ុន្តែដើម្បីទទួលបានផលចំណេញច្រើន ពេលវេលាផលិតនៅប៉ុន្មានម៉ោងនោះ នោះពួកឈ្មួញទុច្ចរិត ត្រូវពឹងពាក់ដល់សារធាតុគីមី ។ សារធាតុទាំងនេះស្ថិតក្នុងបញ្ជីហាមឃាត់ប្រើប្រាស់ ពញរោះធ្វើឲ្យប៉ះពាល់សុខភាពពិសេសប្រព័ន្ធរំលាយអាហារ ថ្លើម ក្រលៀន និងឈានដល់ជំងឺមហារីក ។
នំបញ្ចុកដែលធម្មជាតិមានសម្បុរដូចទឹកអង្ករ ទន់ល្មើយ មិនជូរ ហើយស្វិតគួរសម ។ ពេលយើងទំពារ វាមានឱជារសនៃ “អង្ករ” ។ ពេលយកដៃចាប់១ចង្វាយ នោះវាមានរាងសើម (បើមានគីមីនោះវាស្ងួតនិងរឹង) ។
យើងអាចសាកល្បងដឹងបានដោយប្រើទឹកត្រី ២ចាន រួចចាប់នំបញ្ចុកមានគីមី និងគ្មានគីមីមកដាក់ពិសោធន៍ ។ នំបញ្ចុកមានគីមីវាស្រូបទឹកត្រីយឺតៗ ហើយតិច ខណៈនំបញ្ចុកធម្មជាតិ វាស្រូបលឿនជាង (ក្នុងវីដេអូ គឺវាស្រូបទឹកត្រីជិតអស់តែម្តង) ។
ម្យ៉ាងទៀតនំបញ្ចុកធម្មជាតិវាស្រូបទឹកលឿន ធ្វើឲ្យចង្វាយនំរាយឆាប់ ខណៈនំបញ្ចុកធម្មជាតិ វាកកដុំសរសៃនំមិនខ្ចាយស្មើ ។ ចំពោះក្លិនវិញ គឺនំបញ្ចុកមានគីមី មានក្លិនជូរផ្អាប់ខ្លាំងណាស់ ៕ ចន្ទ្រា