បុរសម្នាក់បានរបូតដៃធ្លាក់លុយជាច្រើន នៅពេលដែលគាត់ដើរចេញពីទ្វារធនាគារបានមួយភ្លែត ហើយលុយជាច្រើនត្រូវបានខ្យល់បក់ហើរពាសពេញផ្លូវ ធ្វើឲ្យអ្នកដំណើរជាច្រើននាក់ បានចូលមកជួយរើសគាត់។
ការធ្លាក់លុយដ៏ច្រើននេះបានកើតឡើងនៅមុខធនាគារមួយស្ថិតក្នុងទីក្រុង Dalian ខេត្ត Liaoning ប្រទេសចិន។ មុនពេលរបូតដៃធ្លាក់លុយ បុរសរូបនោះកំពុងពរឆ្កែមួយក្បាលផងដែរ។
ទោះយ៉ាងណា មានមនុស្សជាច្រើនបានឃើញរត់ប្រញបប្រញាប់ ដើម្បីទៅរើសលុយឲ្យបុរសម្នាក់នោះ ខណៈពេលដែលខ្យល់កំពុងតែបក់ខ្លាំង។
បើតាមការចេញផ្សាយរបស់សារព័ត៌មានប្រចាំតំបន់នោះ បានឲ្យដឹងថា បុរសដែលជ្រុះលុយយ៉ាងច្រើននោះមានឈ្មោះថា Gao។ គាត់ទើបតែដកលុយចំនួន ២.០០០ផោនពីធនាគារ។
តែជាសំណាងល្អ មិនមាននរណាម្នាក់យកលុយរបស់គាត់ទេ ដោយបុគ្គលិកធនាគារ និងអ្នកដំណើរបានរើសលុយ និងឲ្យទៅគាត់វិញទាំងអស់៕ សុភ័ក្ត្រ
ប្រភព៖ feedytv
