នេះជាវីដេអូឃ្លីបមួយ ដែលយើងទាំងអស់គ្នាបានឃើញហើយ ពិតជាពុំនឹកស្មានដល់ គ្រាបានឃើញសកម្មភាពរបស់កម្មករព្រលានយន្តហោះ បានចាប់គ្រវែងវ៉ាលីសរបស់អ្នកដំណើរគ្មានខ្វល់ ខណៈផ្ទេរពួកវាទៅកាន់រថយន្តដឹកជញ្ជូន បន្ទាប់ពីយន្តហោះចុះចតនៅព្រលានយន្តហោះហុងកុង ។
តាមរយៈគណនីហ្វេសប៊ុកឈ្មោះ Marcela Fernanda Solid Walker បានរៀបរាប់ករណីដ៏ហួសចិត្តនេះឲ្យដឹងថា៖ នេះជាវិធីដែលអីវ៉ាន់ជាទីស្រលាញ់របស់យើង ត្រូវបានគេបោះបោកបែបនេះ!! ខ្ញុំបានធ្វើវីដេអូកាលពីព្រឹកម៉ិញនេះ នៅពេលជើងហោះហើររបស់ខ្ញុំបានចុះចតនៅព្រលានយន្តហោះហុងកុង ។ ជើងហោះហើរនេះគឺ (CX5617 xiamen-hongkong) ចេញដំណើរនៅម៉ោង ៧ និង ៤០ នាទី ព្រឹកថ្ងៃទី២៧ ខែកញ្ញា ។ វាបានចុះចតនៅអាកាសយានដ្ឋានហុងកុងនៅវេលាម៉ោង ៩ និង០០ នាទីព្រឹក ៕
ដោយ៖ ឧត្តម
ប្រភព៖ ហ្វេសប៊ុក
