ហេតុការណ៍ដ៏ញាក់សាច់នេះ ត្រូវបានដឹងថា បានកើតឡើងនៅក្នុងហាងជួសជុល និងលក់ទូរស័ព្ទដៃ មួយកន្លែងនៅក្នុងទីក្រុង Thu Dau Mot ខេត្ត Binh Duong ប្រទេសវៀតណាម ។
យោងតាមប្រភពព័ត៌មាន បានឲ្យដឹងថា គ្រឿងអេឡិចត្រូនិចនៅលើតុមួយ ដែលត្រូវបានដោតទៅនឹងហ្វ្រីជាប់នឹងជញ្ជាំង បានបញ្ចេញផ្សែង និងផ្កាភ្លើងដ៏ខ្លាំងក្លាភ្លាមៗ ធ្វើឲ្យបុគ្គលិកប្រុសម្នាក់ក្នុងចំណោម២នាក់ និងថៅកែស្រីហាង និងអតិថិជន នាំគ្នារត់ចេញពីក្នុងហាងយ៉ាងលឿន ដើម្បីគេចផុតពីកម្ទេចផ្កាភ្លើងដែលប៉ះទង្គិចដ៏ឈឺចាប់ដល់ពួកគេ ។ ទោះយ៉ាងណា មានតែបុគ្គលិកប្រុសម្នាក់ ដែលបានគ្រប់គ្រងធ្វើឲ្យស្ថានការណ៍ផ្ទុះឡើងនេះស្ងប់ទៅវិញ ហើយពួកគេក៏បានត្រឡប់ចូលមកក្នុងហាងវិញ ដោយពុំទទួលរងរបួសធ្ងន់ធ្ងរនោះទេ ។
យោងតាមអ្នកបង្ហោះឃ្លីប ហេតុការណ៍នេះបង្កឡើងដោយសារថ្មទូរស័ព្ទមានបញ្ហា ។ ប៉ុន្តែ អ្នកលេងអ៊ីនធើរណែតជាច្រើន បាននិយាយថា ហេតុការណ៍នេះបង្កឡើងដោយសារទុស្សេចរន្តអគ្គិសនី ៕
ដោយ៖ ឧត្តម
ប្រភព៖ Soha.vn