ភ្នំពេញ ៖ អភិបាលរាជធានីពេញ លោកឃួង ស្រេង និងលោកស្រី ជា ស៊ីណា ឃួង ស្រេង រួមជាមួយមន្ត្រី ក្រោមឱវាទ ចំណុះអោយ រដ្ឋបាលរាជធានីភ្នំពេញ កាលពីរសៀលថ្ងៃទី៤ តុលា នេះ បានធ្វើពិធីសូត្រមន្ត ដើម្បី កាន់ បិណ្ឌ និង ប្រគេនទេយ្យទានមួយចំនួន ដល់ព្រះសង្ឃជាច្រើនអង្គ គង់នៅវត្តច័ន្ទបុរីវង្ស ជាវត្តដែលសម្ដេចណយ ច្រឹក គង់នៅ ស្ថិតក្នុង សង្កាត់សំរោង ខណ្ឌព្រែកព្នៅ រាជធានីភ្នំពេញ។
ពិធីនេះធ្វើឡើងស្របតាមប្រពៃណីព្រះពុទ្ធសាសនា និងដើម្បីប្រមូលបច្ច័យមួយចំនួន កសាងទីអារាមវត្តអោយមានការអភិវឌ្ឍន៍ ស្របពេលដែល ប្រទេសកម្ពុជាទាំងមូលកំពុងតែអភិវឌ្ឍន៍រីកចំរើនលើគ្រប់វិស័យ។
ពិធីដាក់បិណ្ឌនេះ នៅពេលរសៀលលោកឃួង ស្រេង អភិបាលរាជធានីពេញនិងលោកស្រីព្រមទាំងមន្ត្រីក្រោមឱវាទទាំងអស់ធ្វើពិធីសូត្រមន្ត ដើម្បីកាន់បិណ្ឌនិងប្រគេនទេយ្យទានមួយចំនួនដល់ព្រះសង្ឃជាច្រើនអង្គ លុះព្រឹកថ្ងៃទី៥ តុលា ត្រូវនិងវេនបិណ្ឌទី១១លោកស្រីកែវ សុខពិសី អភិបាលរងរាជធានីភ្នំពេញ តំណាងអោយលោកឃួង ស្រេង បានអញ្ជើញមកទីអារាមនេះម្តងទៀត ដើម្បីប្រគេនទេយ្យទាន ម្ហូបអាហារ បង្អែមចម្អាបជាដើម ដល់ព្រះសង្ឃ ដើម្បីឧទ្ទិសកុសល ផលបុណ្យជូនដល់បុព្វកាលរីជន មានមាតា បីតា ជីជូន ជីតា ញាតិកាល ទាំង៧សន្តាន ដែលបានបែកកាយ រំលាយដ្ឋានទៅកាន់លោកខាងមុខក្នុងថវិការបស់រដ្ឋបាលរាជធានីភ្នំពេញ ចំនួន១៧.៨០០.០០០រៀល និង១.៨៨០ដុល្លារ ត្រូវប្រគេនជូនដល់វត្តច័ន្ទបុរីវង្ស សម្រាប់ប្រើប្រាស់តាមតម្រូវការ ក្នុងការកសាងវត្ត ៕ ដោយ ៖ កូឡាប
