ភ្នំពេញ ៖ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានឱ្យដឹងថា ក្នុងឱកាសបុណ្យភ្ជុំបិណ្ឌរយៈពេល២ថ្ងៃ ចាប់ពីថ្ងៃទី៨-៩ ខែតុលា ឆ្នាំ២០១៨ មានករណីគ្រោះថ្នាក់ចរាចរ កើតឡើងចំនួន ៣៦លើក បណ្ដាលឱ្យមនុស្សស្លាប់ ២២នាក់ របួសធ្ងន់៤២នាក់ និងរបួសស្រាល ១១នាក់។
ក្នុងហេតុការណ៍គ្រោះថ្នាក់ចរាចរ ទាំង៣៦លើក បណ្ដាលឱ្យខូតខាតម៉ូតូចំនួន ៤៣គ្រឿង រថយន្ដធុនតូច ១៨គ្រឿង រថយន្ដធុនធំ ៣គ្រឿង អ្នកថ្មើរជើង ៧នាក់ ដោយមូលហេតុ រួមមាន ល្បឿន មិនគោរពសិទ្ធិ ប្រជែង បត់ក្នុងសភាពគ្រោះថ្នាក់ និងស្រវឹង ជាដើម៕ ដោយ ៖ កូឡាប