ខេត្តព្រះសីហនុ៖ សមត្ថកិច្ចនគរបាល ខេត្តព្រះសីហនុ បានឲ្យដឹងថា កាលយប់ថ្ងៃទី១២ ខែតុលា ឆ្នាំ២០១៨ វេលាម៉ោង៦ល្ងាច ស្ថិតនៅភូមិ៤សង្កាត់លេខ៤ ក្រុងព្រះសីហនុ កម្លាំងការិយាល័យនគរបាលប្រឆាំងគ្រឿងញៀន ខេត្តព្រះសីហនុ បានចុះបង្ក្រាបគ្រឿងញៀន ១ករណីឃាត់ខ្លួនជនសង្ស័យចំនួន៣នាក់។
សមត្ថកិច្ចថា ជនសង្ស័យទាំងនោះរួមមាន៖ ឈ្មោះ រ៉ាហ្វាត វា ភេទប្រុសអាយុ១៨ឆ្នាំ(ខ្មែរ)មុខរបរមិនពិតប្រាកដ។ ឈ្មោះ សាន់ អារីហ្វីន ភេទប្រុសអាយុ២៦ឆ្នាំ(ខ្មែរ)មុខរបរជាងសំណង់។ ឈ្មោះ នី រា ភេទប្រុសអាយុ ១៨(ខ្មែរ)មុខរបរជាងសំណង់។
ចំណែកវត្ថុតាង ដែលដកហូតបានរួមមានម្សៅគ្រឿងញៀនចំនួន ២កញ្ចប់ធំ ១៣កញ្ចប់តូច ជញ្ជើងថ្លឹង១គ្រឿង – ទូស័ព្ទ២ គ្រឿង និងសម្ភារៈប្រើប្រាស់វេចខ្ចប់គ្រឿងញៀនមួយចំនួនទៀត៕ ដោយ ៖ ដែន សីមា
