យើងខ្ញុំសូមផ្តាំផ្ញើទៅកាន់អ្នកអានទាំងប៉ុន្មាននាក់ខាងក្រោមនេះ ដែលបានជេរប្រមាថយើងខ្ញុំយ៉ាងធ្ងន់ធ្ងរ ទាក់ទឹងអត្ថបទចុះផ្សាយ៖ «៤៨ ម៉ោងទៀត Internet ពិភពលោកអាចប្រទះនឹងភាពរអាក់រអួល ឬត្រូវកាត់ផ្តាច់ នៅទូទាំងពិភពលោក» ឲ្យបានជ្រាបថា ប្រសិនជាអស់លោកពុំពេញចិត្តសម្រាប់អត្ថបទមួយនេះ សូមអស់លោកមេត្តា «អូសរំលង» ចោលចុះ កុំហាឡើងប្រើពាក្យដ៏អសុរសបែបៗនេះ ដោយពុំបានចូលអានអត្ថបទឲ្យបានស៊ីជម្រៅ ។ ហើយយើងខ្ញុំក៏សូមឲ្យអស់លោកទាំងនេះគួរពិចារណាទៅលើអត្ថន័យរវាងពាក្យ «អាចប្រទះ» «ភាពរអាក់រអួស» និង «កាត់ផ្តាច់» ឲ្យបានទូលំទូលាយផង!! ។
សូមបញ្ជាក់ផងដែរថា ចំពោះការចេញផ្សាយព័ត៌មាននេះ ក៏ដូចជាព័ត៌មានដទៃៗទៀត គឺយើងខ្ញុំសុទ្ធសឹងតែបានដកស្រង់ពីប្រភពព័ត៌មានបរទេសធំៗ ពុំមែនចេះតែនឹកគិតឃើញសរសេរតាមតែចិត្ត ដើម្បីគោលបំណងអាក្រក់អាណាមួយ ឬ បានផលប្រយោជន៍អ្វីនោះទេ ពោលគឺក្នុងបំណងល្អឲ្យបងប្អូនទាំងអស់បានជ្រាបជាព័ត៌មានប៉ុណ្ណោះ ។ ហើយយើងខ្ញុំរីករាយនឹងទទួលយកនូវរាល់មតិរិះគន់ដើម្បីស្ថាបនាឲ្យល្អប្រសើរឡើង សម្រាប់ទាំងអស់គ្នា ។
ជាទីបញ្ចប់ យើងខ្ញុំក៏សូមថ្លែងអំណរគុណដ៏ជ្រាលជ្រៅបំផុត ចំពោះប្រិយមិត្តយ៉ាងច្រើន ដែលតែងគាំទ្រគេហទំព័រ CEN យើងខ្ញុំ តាំងពីដើមរហូតមកទល់ពេលនេះ ៕ សូមអរគុណ!!
