ស្រា wine មួយដបយីហោ Romanee-Contiផលិតនៅឆ្នាំ១៩៤៥ ទើបត្រូវបានដាក់ដេញថ្លៃនៅSotheby បុរីញូវយ៉កអាមេរិក កាលពីថ្ងៃទី១៣តុលាកន្លងមក ហើយសម្រេចលក់ក្នុងតម្លៃ558.000 USD ។តម្លៃដ៏ថ្លៃនៃស្រាRomanee-Contiនេះ ស្ថិតនៅត្រង់ចំណុចថា វាត្រូវបានផលិតនៅឆ្នាំ១៩៤៥ ដែលជារដូវកាលប្រមូលផលទំពាំងបាយជូរចុងក្រោយក្នុងសង្គ្រាមលោកលើកទី២ ហើយដែលពេលនោះសត្វល្អិតបានបំផ្លិចបំផ្លាញដំណាំទំពាំងបាយជូរធ្វើឱ្យគេផលិតបានស្រានេះតែ៦០០ដបប៉ុណ្ណោះ ។
ហេតុនេះឯង ក្រោយការលក់ស្រា wine ខាងលើនោះ ស្រាRomanee-Conti មួយដបផ្សេងទៀតក៏ត្រូវបានដាក់ដេញថ្លៃហើយលក់បានថ្លៃ 496.000 USD ។ ក្រៅពីនោះក្នុងការដេញថ្លៃនៅបុរីញូវយ៉កក៏មានស្រា whisky Scotch 1926 មានអាយុ៦០ឆ្នាំត្រូវបានគរដេញថ្លៃលក់ក្នុងតម្លៃដល់ទៅ 843.200 USD ។មូលហេតុព្រោះតែស្រាប្រភេទនេះគេផលិតវាតែ៤០ដបប៉ុណ្ណោះនៅឆ្នាំ១៩៥៨។
យ៉ាងនេះក្តី តម្លៃនេះនៅទាបជាងប្រៀបទៅនឹងការដេញថ្លៃស្រាមួយដបដូចគ្នានេះកាលពីដើមខែតុលា។ ពេលនោះស្រាមួយដបដូចគ្នានេះលក់បានដល់ទៅ១,២លានដុល្លារឯណោះ៕សូយន
