Sunday, March 16, 2025

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

​បុរស​ម្នាក់​មិនដឹង​ជា​បងប្រុស ឬ សង្សារ​ទេ វាយ​នារី​​​ម្នាក់​បង្ខំ​ឲ្យ​ឡើង​ជិះ​ម៉ូតូ​ទៅផ្ទះ​យ៉ាង​សាហាវ សង្ស័យ​ផ្ទុះ​កំហឹង​ដើរលេង​យប់​និយាយ​មិន​ស្តាប់ (​វីដេអូ​)

​វីដេអូ​មួយ​ដែល​បានបង្ហាញ​ឲ្យ​ឃើញ​បុរស​ម្នាក់ បាន​ប្រើ​អំពើហិង្សា​ដ៏​គួរ​ឲ្យ​រន្ធត់​ទៅលើ​នារី​វ័យក្មេង​ម្នាក់ បាន​កំពុង​រីក​រាលដាល​នៅលើ​បណ្តាញ​សង្គម ក្នុងប្រទេស​ថៃ ។​

​វីដេអូ​ឃ្លី​ប​ដែល​ទទួល​បានការ​ទស្ស​នា ៣.៤ លាន​ដង បង្ហាញ​ឲ្យ​ឃើញ​នារី​វ័យក្មេង​ស្លៀកពាក់​សិច​ស៊ី​ម្នាក់​អង្គុយ​នៅលើ​ដី ខណៈ​បុរស​ពាក់អាវ​យឺត​ពណ៌​ខ្មៅ​ម្នាក់ បង្ខំ​អូសទាញ​នាង​ក្រោក​ឡើង ប៉ុន្តែ ត្រូវបាន​អ្នក​នៅ​ជុំវិញ​ជួយ​អន្តរាគមន៍ ។ បន្ទាប់ពី​បរាជ័យ បុរស​រូបនោះ​ក៏បាន​ដើរ​សំដៅ​ឡើងទៅ​អង្គុយ​លើ​ម៉ូតូ និង​មួយសន្ទុះ​ក៏​ងាក​ស្រែក​ទៅកាន់​នាង​ជា​លើកចុងក្រោយ​ថា តើ​ទៅ​ឬ​មិន​ទៅ​? ។ នៅពេល​នាង​ពុំ​អើពើ​នឹង​សំនួរ​របស់ខ្លួន បុរស​នេះ​ក៏បាន​ផ្ទុះ​កំហឹង​សារជាថ្មី ចុះ​ពីលើ​ម៉ូតូ​ដើរ​សំដៅទៅ​កាន់ និង​ដាល់​នាង​១​ដៃ​ឡើង​បែក​អំពិលអំពែក​តែម្តង ។

​បុរស​នោះ​បន្ទាប់មក ក៏បាន​បង្ខំ​រុញ​នាង​ទាំង​កំហឹង ឲ្យ​ឡើង​ជិះ​ម៉ូតូ​ចាក​ចេញពី​កន្លែងកើតហេតុ រួមជាមួយ​ក្មេងស្រី​ម្នាក់ទៀត​ជិះ​ពី​ខាងក្រោយ​ពួកគេ​ផងដែរ ។​

​ជុំវិញ​ហេតុការណ៍​ដ៏​គួរ​ឲ្យ​រន្ធត់​នេះ អ្នកលេង​អ៊ី​ន​ធើរ​ណែ​ត​ជាច្រើន​បានដាក់​ការសង្ស័យ​ផ្សេងៗ​គ្នា​ថា តើ​បុរស​ដែល​វាយប្រហារ​ទៅ​នារី​វ័យក្មេង​នោះ គឺជា​សង្សារ ឬក៏​ជាង​បងប្រុស​របស់​នាង ដែល​អាច​ផ្ទុះ​កំហឹង​ដោយសារតែ​នាង​ដើរលេង​យប់​និយាយ​មិន​ស្តាប់​គ្នា ឬ យ៉ាងណា​? ។​

​ប៉ុន្តែ សារព័ត៌មាន Sanook បាន​រាយការណ៍​ថា បុរស​នោះបាន​វាយប្រហារ​ទៅ​នារី​វ័យក្មេង​នោះ គឺ​បន្ទាប់ពី​គាត់​បាន​រកឃើញថា​នាង​កំពុង​ក្បត់ចិត្ត​គាត់ ៕

ដោយ​៖ ចន្ទី

ប្រភព​៖ Bangkok Jack​