ស្វាយរៀង ៖ លោក ប្រាក់ សុវណ្ណ អភិបាលរងខេត្តស្វាយរៀងនៅព្រឹកថ្ងៃទី១៧ខែតុលាឆ្នាំ២០១៨បានមានប្រសាសន៍ថា ៖ សិក្ខាសាលាផ្សព្វផ្សាយស្តីពីវប្បធម៌បង់ពន្ធនិងបទបញ្ញត្តិពន្ធដារៀបដែលរៀបចំឡើងនាពេលនេះគឺក្នុងគោលបំណងដើម្បីផ្សព្វផ្សាយនិងបញ្ច្រាបនូវបទប្បញ្ញត្តិស្តីពីសារពើពន្ធនិងលិខិតបទដ្ឋានគតិយុត្តនានាជាពិសេសពាក់ព័ន្ធសិទ្ធិ និងកាតព្វកិច្ចរបស់អ្នកជាប់ពន្ធ អាករ ជូនលោកលោស្រីជាអភិបាលឫអ្នកតំណាងស្របច្បាប់របស់ក្រុមហ៊ុន សំដៅធានាអនុវត្តអោយបានត្រឹមត្រូវតាមតួនាទី ភារកិច្ចរបស់ខ្លួនស្របតាមនីតិវិធីកំណត់និងប្រកបដោយ តម្លាភាព បង្កើនភាពជឿជាក់ ទំនុកចិត្តពីសំណាក់លោកលោកស្រីមកលើអាជ្ញាធរសាធារណៈ។
លោក ប្រាក់ សុវណ្ណ មានប្រសាសន៍ដូច្នេះខណៈដែលលោកបានអញ្ជើញដឹកនាំបើកសិក្ខាសាលាផ្សព្វផ្សាយស្តីពីវប្បធម៌បង់ពន្ធនិងបទបញ្ញត្តិពន្ធដាដែលបានសហការរៀបចំដោយនាយកដ្ឋានគ្រប់គ្រងអ្នកជាប់ពន្ធតូចនិងមធ្យមនៃអគ្គនាយកដ្ឋានពន្ធដារនិងសាខាពន្ធដារខេត្តស្វាយរៀងដែលមានអ្នកជាប់ពាក់ព័ន្ធជាច្រើននាក់បានចូលរួមនៅសាលប្រជុំសណ្ឋាគារទន្លេវ៉ៃគោ ក្រុងស្វាយរៀងខេត្តស្វាយរៀង។
អភិបាលរងខេត្តស្វាយរៀងបានថ្លែងបន្តទៀតថា ៖ រាជរដ្ឋាភិបាលកម្ពុជានៅអាណត្តិទី៦ក្រោមការដឹកនាំរបស់សម្តេចតេជោហ៊ុនសែននាយករដ្ឋមន្ត្រីដែលមានក្រសួងសេដ្ឋកិច្ចនិងហិរញ្ញវត្ថុ អគ្គនាយកដ្ឋានពន្ធដារ ជាសេនាធិការបានដាក់ចេញនូវកម្មវិធីកំណែទម្រង់ហិរញ្ញវត្ថុសាធារណៈប្រកបដោយការជឿជាក់និងមានចក្ខុវិស័យច្បាស់លាស់ដោយគិតគូរពីផលប្រយោជន៍និងតម្រូវការរបស់អាជីវករនិងការធានារក្សាអោយបាននូវកំណើនសេដ្ឋកិច្ចជាតិមួយដ៏រឹងមាំ ស្របតាមកម្មវិធីនយោបាយនិងយុទ្ធសាស្ត្រចតុកោណតំណាក់កាលទី៤។
លោក អភិបាលរងខេត្តបានបញ្ជាក់ថា ៖ វិស័យឯកជនគឺជាដៃគូរអភិវឌ្ឍប្រទេសដ៏សំខាន់សម្រាប់រាជរដ្ឋាភិបាល ពិតណាស់ថវិកាដែលប្រមូលបាននេះគឺចូលរួមយ៉ាងសំខាន់សម្រាប់អភិវឌ្ឍប្រទេសជាតិយើងទាំងមូលក្នុងនោះរាជរដ្ឋាភិបាលបានប្រើប្រាស់ថវិកាទាំងអស់សម្រាប់៖១.បើកប្រាក់បៀវត្សជូនមន្ត្រីរាជការ កងកម្លាំងប្រដាប់អាវុធ.២.សាងសង់ហេដ្ឋារចនាសម្ព័ន្ធរូបវ័ន្ត (សាលារៀន មន្ទីរពេទ្យ ស្ពានថ្នល់) ៣.កសាងប្រពន្ធ័ធារាសាស្ត្រ ៤.ចំណាយលើវិស័យសន្តិសុខនិងការពារជាតិជាដើម។ល។ក្នុងន័យពង្រឹងការផ្តល់សេវាសាធារណៈអោយបានល្អប្រសើរដោយសព្វថ្ងៃ ក្នុងខេត្តស្វាយរៀងយើងនេះមានការសាងសង់សាលារៀន មន្ទីរពេទ្យ មណ្ឌលសុខភាព ស្ពាន ថ្នល់ប្រពន្ធ័ទឹក ទាំងនេះបានពីការចូលរួមបង់ពន្ធពីសំណាក់ប្រជាពលរដ្ឋគ្រប់រូប និងត្រូវគោរពគោរពអនុវត្តច្បាប់នានាក្នុងប្រទេស ជាពិសេសច្បាប់ស្តីពីសារពើពន្ធ៕វ៉ៃកូ