ឥន្ទនូនៅកោះតៃវ៉ាន់ បានបំបែកកំណត់ត្រាពិភពលោកជាឥន្ទនូដែលរះបានយូរជាងគេបំផុតក្នុងពិភពលោក ពោលគឺរះបានរហូតជិត ៩ម៉ោង។
បើតាមសារព៌តមានរបស់តៃវ៉ាន់បានឲ្យដឹងថា ឥន្ទនូ នៅទីក្រុងតៃបិ ដែលមានរយៈពេលវែងជាងគេបំផុតនោះ ត្រូវបានថតដោយសាស្ត្រាចារ្យ ២នាក់ មកពីសកលវិទ្យាល័យវប្បធ៌មចិន ដេប៉ាតេម៉ង វិទ្យាសាស្ត្របរិយាកាស។
បើតាមវីដេអូដែលថតបាន បានបង្ហាញថា ឥន្ទនូនោះរះបានរយៈពេល ៨ម៉ោង និង ៥៨នាទី ដែលវាចាប់ផ្តើមរះពីម៉ោង ៦.៥៧ នាទីព្រឹក ដល់ម៉ោង ៣.៥៥រសៀល។
សេចក្តីរាយការណ៏របស់សារព៌តមានតៃវ៉ាន់បានបញ្ជាក់ថា ប្រសិនជាការថតវីដេអូន ត្រូវបានគេទទួលស្គាល់ វានឹងបំបែកកំណត់ត្រាមុនដែលកាន់កាប់ដោយឥន្ទនូ នៅទីក្រុង Yorkshire ប្រទេសអង់គ្លេស ដែលរយៈបានរយៈពេល ៦ម៉ោង។
សាស្ត្រាចារ្យម្នាក់ឈ្មោះ Chou Kun-hsuan បាននិយាយថា “វាពិតជាអស្ចារ្យណាស់… ខ្ញុំមានអារម្មណ៏ថាវាជាកាដូរធ្លាក់ពីលើមេឃ… វាពិតជាទិដ្ឋភាពដ៏កំរ”។
បើតាមសេចក្តីរាយការណ៏របស់សារព៌តមាន BBC ខាងសាលាកំពុងប្រមូលភស្ថុតាងទាំងអស់ដើម្បីដាក់ស្នើកំណត់ត្រា (Guinness Record)។
សាស្ត្រាចារ្យ Chou Kun-hsuan “ជាមួយនឹងរូបភាពចំនួន ១០.០០០សន្លឹកដែលពួកយើងបានថតនៅអាគាររបស់យើងតែមួយ ព្រមទាំងរូបភាពផ្សេងៗទៀតដែលថតដោយអ្នកផ្សេងនៅបរិវេណសាលា និងក្បែរសាលា ខ្ញុំមានជំនឿចិត្តថា ពួកយើងអាចផ្តល់ភស្ថុតាងដល់ស្ថាប័ន Guinness នូវរូបភាពរាល់វិនាទី ដែលបង្ហាញថាឥន្ទនូនោះរះបានរហូតដល់ ៩ម៉ោង”៕ សុភ័ក្ត្រ
