ជនបរទេសវ័យចំណាស់ម្នាក់ បានធ្វើឲ្យអ្នកដំណើរជាច្រើនភ្ញាក់ផ្អើល និងនាំគ្នាអាណិតអាសូរដល់គាត់ជាខ្លាំង ខណៈប្រទះឃើញគាត់កំពុងដេកដួលក្រោកពុំរួច ដោយស្ថិតក្នុងស្ថានភាពពោះប៉ោងស្ទើរផ្ទុះ (សង្ស័យកើតជំងឺទាចទឹក?) ស្ថិតនៅមុខវិទ្យាល័យវត្តស្វាយ ជិតអាងក្រពើ ខេត្តសៀមរាប កាលពីថ្ងៃទី២៣ វិច្ឆិកា ម្សិលមិញ ។
យោងតាមគណនីហ្វេសប៊ុកឈ្មោះ Lina Swb បានចែករំលែកករណីនេះ និងសរសេររៀបរាប់ថា៖ «ជនបរទេសម្នាក់ មិនដឹងសាសន៍អី កើតជំងឺហើមពោះ (ទាចទឹក? ) ដេកឈឺនៅចិញ្ចើមផ្លូវមុខវិទ្យាល័យវត្តស្វាយ ជិតអាងក្រពើ ខេត្តសៀមរាប។ ខ្ញុំជួយអីអត់បានក្រៅពីជូនថវិកាបន្តិចបន្តួច ទឹកសុទ្ធនិងជូនខ្នើយកល់.កឲ្យគាត់បានសម្រាកងាយស្រួលបន្តិច ព្រោះគាត់អង្គុយអត់កើត ដេកកើយនឹងខឿនចិញ្ចើមផ្លូវ សួរនាំអីក៏មិនបានព្រោះគាត់និយាយអត់ចេញ សំណូមពរសមត្ថកិច្ចខេត្តសៀមរាបជួយគាត់ផង?????? 23/11/2018 9:30AM» ។
Update: ខណៈពេលដែលករណីនេះបានចុះផ្សាយនៅលើហ្វេសប៊ុក បងស្រីម្នាក់ដែលមានគណនីហ្វេសប៊ុកឈ្មោះ Yeoun Savy បន្ទាប់មកក៏បានបង្ហោះស្វែងរកសាច់ញាតិរបស់បុរសបរទេសខាងលើនេះដែលមានឈ្មោះ Michael James ជនជាតិអង់គ្លេស តាមរយៈលិខិតឆ្លងដែនរបស់គាត់ថា៖ «ដំណឹងស្វែងរកញាតិមិត្តរបស់គាត់ ?? Please kindly share ??» ៕ ដោយ៖ ឧត្តម
